Vespere de la 20-a de aŭgusto malfermiĝis la Qingdao-a Internacia
Regatto de 2006 en la Qingdao-a Vela Centro, la sportejo de velado
por la Pekinaj Olimpikoj en 2008. Liu Qi, prezidanto de la Organiza
Komitato de la Pekinaj Olimpikoj, sonorigis la sirenon de la malferma
ceremonio.
La ceremonion partoprenis Liu Peng, estro de la Ĝenerala
Sporta Administrejo de Ĉinio, prezidanto de la Ĉina Komitato de
Olimpikoj kaj plenuma prezidanto de la Pekinaj Olimpikoj, Huang
Simian, agada komitatano de la Internacia Komitato de Olimpikoj,
David Kellet, vicprezidanto de la Internacia Vela Federacio, kaj
Han Yuqun, estro de Shandong-provinco kaj 464 reprezentantoj de
sportistoj el 41 landoj kaj regionoj.
Liu Peng donis salutvortojn en la inaŭguro. Li diris,
ke ĉi tiu konkurso en Qingdao ludos gravan rolon por la velado de
Ĉinio, kaj kredis, ke Qingdao sukcesigos la velan konkurson de la
Olimpikoj.
David Kellet alte taksis en sia salutvorto la laboron
de la Qingdao-a Vela Komitato de la Organiza Komitato de la Pekinaj
Olimpikoj kaj la konstruadon de la Qingdao-a Internacia Vela Centro.
Li diris, ke li neniam vidis velan sportejon konstruitan en tiel
mallonga tempo.
La regatto estas la unua prova konkurso de la Pekinaj
Olimpikoj. Intertempe okazos en Qingdao velaj konkursoj de 11 disciplinoj
de 9 branĉoj de la Pekinaj Olimpikoj.
|