La 23-an de aŭgusto ĉina ĉefminstro Wen Jiabao intervidiĝis en Pekino kun Nong Dec Manh, ĝenerala sekretario de la Centra Komitato de la Vjetnama Komunista Partio.

Wen diris, ke en la nova jarcento, sub la penado de la du partioj kaj du landoj, la ĉina-vjetnamaj rilatoj montras bonan progreson. Ĉinio kaj Vjetnamio estas proksimaj najbaroj, kaj akceli politikan reciprokan fidon kaj fortigi kaj disvolvi la tradician amikecon inter la du landoj konformas al baza intereso de la du landoj. Kaj la du flankoj devas firme teni la disvolvan direkton laŭ politika kaj strategia vidpunkto kaj senĉese profundigi la amikecon kaj ampleksan kunlaboron.

Wen prezentis la ekonomian staton de la nuna Ĉinio. Li diris, ke por antaŭenpuŝi la ekonomian kaj komercan rilatojn inter la du landoj, surbaze de la principo "profiti de la superaĵoj unu de la alia, reciproke profitigi unu alian kaj kune disvolviĝi", la du flankoj devas havi longperiodan planon, kreskigi la skalon kaj kampon de ekonomia kunlaboro; fari unuecan planadon kaj elstarigi graviton, plenumi kunlaboron de deciditaj ŝlosilaj projektoj, subteni unu la alian kaj instigi la disvolviĝon de kunlaboraj organizaĵoj regionaj kaj subregionaj. Ĉinio daŭrigos plurflanke akcelon de trakta procezo por aliĝo de Vjetnamio al la Monda Komerca Organizo.

Non Dec Manh diris, ke li kvinfoje vizitis Ĉinion. En ĉiu vizito, li vidis grandajn atingojn de la ĉina popolo en la pordomalferma politiko kaj konstruado de la ĉina karakteriza socialismo. Vjetnamio ĝojas kaj miras pro tio. La amikeco inter Vjetnamio kaj Ĉinio estas komuna trezoro de la du partioj, du landoj kaj du popoloj. Oni devas flegi kaj heredigi ĝin al la posteuloj.