La 28-an de aŭgusto Yu Yongzhan, estro de la Ĵurnalisma-Eldona Ĝenerala Administracio de Ĉinio, diris en la "Pekina Internacia Eldona Forumo de 2006", ke en la unua duono de la kuranta jaro, en la ordigo de la merkato de eldonaĵoj, ĉinaj diversnivelaj registaroj sume traktis pli ol 12 mil kazojn de piratado, kaj konfiskis pli ol 50 milionojn da diversaj kontraŭleĝaj eldonaĵoj.

Yu Yongzhan diris, ke en la speciala agado de traktado de entreprenoj de kontraŭleĝa kopiado de diskoj, levita en la komenco de la kuranta jaro, oni enketis 48 entreprenojn de kopiado de diskoj kaj punis 14 el ili, kiuj faris kontraŭleĝan kopiadon.