La 5-an de septembro, 2006, okazos en Pekino la Internacia Kopirajta Forumo de 2006 kun la temo "Disvolviĝo kaj kreo de koncernaj industrioj de kopirajto". Ĝin ĉeestos 200 reprezentantoj de koncernaj industrioj de kopirajto.

La forumo estas la unua internacia konferenco en koncernaj kampoj de kopirajto organizita de la ĉina registaro kaj koncerna internacia organizo. Long Xinmin, estro de la Kopirajta Buroo de Ĉinio, kaj Geoffrey Yu, ĝenerala vicsekretario de la Monda Intelekta Proprieta Organizo, estos prezidantoj de la organiza komitato de la konferenco. Parolos en la konferenco altrangaj oficistoj de la Filma Asocio de Usono, la Komerca Softvara Alianco de Usono kaj la Usona Disney-kompanio.

La forumo starigos ponton por interkomunikado kaj interŝanĝado de koncernaj industriaj organizoj de kopirajto inter Ĉinio kaj la mondo, konstruos altrangan dialogan sistemon inter entreprenoj kaj registaro kaj tiun inter entreprenoj kaj koncernaj internaciaj institucioj kaj akcelos disvolviĝon kaj kreon de ĉinaj koncernaj industrioj de kopirajto.