Antaŭ nelonge 295 ĉinaj kaj alilandaj fakuloj pri tundro partoprenis la Unuan Azian Internacian Konferencon pri Tundro okazigitan de la Internacia Permanentfrosta Asocio en Lanzhou, urbo en okcidenta Ĉinio. Post la konferenco la fakuloj inspektis la Qinghai-Tibetan Fervojon, alte taksis la grandan atingon de la fervoja konstruado kaj diskutis pri la novaj problemoj en konstruado de la fervojo sur la tundro.

La fakuloj opiniis, ke la malleviĝa rapideco de la trakbazo post la konstruado estas en permesata limo laŭ la projekto; stabila estas strukturo de la fervojaj pontoj kaj tuneloj, kaj la fervojlinio — glata kaj ebena. La rapideco de la pasaĝera trajno atingas 100 kilometrojn hore, tio estas rekordo sur tundra zono.

Jerry Brown, prezidanto de la Internacia Permanentfrosta Asocio, diris, ke la Qinghai-Tibeta Fervojo reprezentas la plej novan atingon de la vorko sur tundro internacie, kaj la sukceso donas ekzemplon por aliaj landoj.

Dum la diskutado kaj esplorado, la fakuloj elmetis serion da proponoj kaj sugestoj pri kreo de novaj rimedoj por protekti tundron, daŭrigo de studo pri ekzisto de tundro kaj plifortigo de longperiodaj observado kaj preventado kontraŭ eventualaj malsanoj dum la funkciado de la fervojo kaj traktado de tutmonda varmiĝo kaj mediprotekto sur la Qinghai-Tibeta Altebenaĵo.