La 10-an de septembro la 6-a Pinta Kunveno de Azia-Eŭropa Konferenco malfermiĝis en Helsinko, Finnlando. Ĝin partoprenis ĉina ĉefministro Wen Jiabao kaj 39 reprezentantoj de 10 membrolandoj de la Asocio de Sudorient-Aziaj Landoj, Respubliko de Koreio, Japanio, 25 membrolandoj de Eŭropa Unio kaj la Komitato de Eŭropa Unio. Ili celebris la 10-jariĝon de la konferenco.

Ĉina ĉefministro Wen Jiabao faris paroladon sub la temo "Fortigi la kunlaboron inter aziaj kaj eŭropaj landoj kaj kunagi kontraŭ defio". Li analizis la nunan internacian situacion kaj alte taksis la progreson de la Azia-Eŭropa Konferenco. Li proponis, ke la konferenco vastigu dialogon kaj kunlaboron, levu la influon de Azio kaj Eŭropo en traktado pri gravaj internaciaj aferoj; fortigu politikan reciprokan konfidon kaj akcelu disvolvon de monda civilizacio kaj kultura diverseco; persistu en egaleco kaj reciproka profito, akcelu praktikan ekonomian kunlaboron; establu koncernan sistemon favoran al kunlaboro je taŭga tempo; intensigu komunikadon kun landoj ekster la membrolandoj kaj daŭrigu la malfermecon de la konferenco.

La Unua Pinta Kunveno de Azia-Eŭropa Konferenco okazis en Bankoko, 1996. En la lastaj 10 jaroj, Azio kaj Eŭropo faris vastajn interŝanĝojn surbaze de reciproka respekto, egalrajta dialogo, paŝo-post-paŝa progreso kaj akorda interkonsiliĝo. En la 2-taga kunveno, la partoprenantoj profunde interkonsiliĝis pri akcelo de plurflankismo kaj traktado kontraŭ terorismo, kultura kaj civilizacia dialogo, tutmondiĝo kaj konkurenca kapablo, kaj estonta disvolvo de la konferenco.