La 17-an de septembro, inaŭguriĝis en Pekino speciala kunveno de altranguloj de la Ĉina-Afrika Kunlabora Forumo. En la kunveno oni ĉefe diskutas pri prepara laboro de la pekina pinta konferenco de la Ĉina-Afrika Kunlabora Forumo kaj la 3-a ministra kunveno okazontaj en novembro.

Zhai Jun, ĝenerala sekretario de la pekina pinta konferenco de la Ĉina-Afrika Kunlabora Forumo kaj la 3-a ministra kunveno, diris, ke la kuranta jaro estas 50-jariĝo de establiĝo de la diplomatiaj rilatoj inter Ĉinio kaj afrikaj landoj kaj la pekina pinta konferenco baldaŭ okazonta estas grava konferenco senprecedenca en ĉina-afrika amikeca historio kaj certe donos pozitivan kaj profundan influon al solidareco kaj kunlaboro inter Ĉinio kaj Afriko en diversaj kampoj.