Por akceli protektadon kaj disvolvadon de la tibeta kultruo, la Asocio por Protekti kaj Disvolvi la Tibetan Kulturon de Ĉinio okazigos en Pekino la 1-an Forumon de la Tibeta Kulturo de Ĉinio la 10-an de oktobro. Samtempe okazos ekspozicio pri la ĉina trezoro — tibeta kulturo.

En la 12-taga ekspozicio, montriĝos ĉ. 200 objektoj pri historiaj restaĵoj de Tibeto, ĝiaj medicino, medikamentoj, tradiciaj artaĵoj, arkitekturaj skulpturoj, religiaj statuoj kaj objektoj, necesaĵoj por vivo kaj produkto, aĵoj pri moroj, kaj pli ol 100 fotoj. Por ke la vizitantoj povu rekte percepti la tibetan kulturon, la gastiganto invitos pentristojn el Tibeto por fari surloke Tangka, unikan pentraĵon de Tibeto.

La asocio, establita en Pekino junie, 2004, estas neoficiala organizo konsistanta el ĉinaj kaj alilandaj personoj favoraj al la protektado kaj disvolvado de la tibeta kulturo. Post sia fondiĝo, ĝi multe faris por antaŭenpuŝi interŝanĝojn kaj kunlaboron kun internaciaj neoficialaj organizoj.