La 15-an de oktobro okazis en Lijiang, urbo de Yunnan-provinco en sudokcidenta Ĉinio, la 2-a Internacia Konferenco de la Eǔraziaj Mondaj Heredaĵaj Urboj. Kun 80 ĉeestantoj inkluzive de urbestroj de la mondaj heredaĵaj urboj kaj specialistoj en kampoj de heredaĵo-protektado kaj kultura turismado el 15 landoj, la konferenco daǔros 3 tagojn.

Ĝi, kune organizita de la Eǔrazia Sekretariejo de la Organizo de Mondaj Heredaĵaj Urboj kaj la registaro de Lijiang, prizorgas la kulturan diversecon, kulturan turismon, junularon, kulturajn heredaĵojn k.t.p. por kulturi al loĝantoj de mondaj heredaĵaj urboj toleremon al eksteraj kulturoj kaj helpi tiujn urbojn ĝuste trakti problemojn en disvolvado kaj ilian negativan influon kreskigi al junuloj konscion pri heredaĵo-protektado.

En Lijiang, situanta en nordokcidenta parto de Yunnan-provinco, vivas 22 nacimalplimultoj. Post kiam la antikva urbo Lijiang estis enmetita en la liston de la Mondaj Kulturaj Heredaĵoj en 1997, "Regiono Paralele Trafluata de Tri Riveroj" okcidente de Lijiang kaj Dongba-hieroglifo de Naŝi-nacio de Lijiang, kiel la plej antikva sed ankoraǔ uzata hieroglifo en la mondo, estis sinsekve enskribitaj en la liston de la Mondaj Naturaj kaj Memoraj Heredaĵoj.

Dum la konferenco interparolos la urbestroj de la mondaj heredaĵaj urboj en Eǔropo kaj Azio kaj elektiĝos la urbo gastigonta la 3-an Internacian Konferencon de la Eǔraziaj Mondaj Heredaĵaj Urboj en 2008.