La 19-an de oktobro, intervidiĝis en Pjongjango Kim Jong-il, ĝenerala sekretario de la Korea Labora Partio kaj prezidanto de la Nacidefenda Komitato de la Popol-Demokratia Respubliko de Koreio (PDRK) kun Tang Jiaxuan, ĉina ŝtata konsilanto kaj speciala reprezentanto de Hu Jintao, ĝenerala sekretario de la Centra Komitato de la Komunista Partio de Ĉinio kaj ĉina ŝtata prezidanto.

Tang Jiaxuan transdonis buŝan mesaĝon de Hu Jintao al Kim Jong-il kaj ambaǔ flankoj profunde interŝanĝis opiniojn pri la rilatoj inter PDRK kaj Ĉinio kaj la nuna situacio de la Korea Duoninsulo.

Antaǔ sia vizito al PDRK, Tang Jiaxuan vizitis Usonon kaj Rusion.

Materialo:

La nuklea eksperimento de PDRK en la 9-a de oktobro kaǔzis intensan reagon de la internacia socio, kaj Rusio, Eǔropa Unio, Usono, Koreio kaj Japanio kondamnis ĝin kaj ankaǔ Ĉinio firme oponis kontraǔ tio. Posttagmeze de la 14-a de oktobro, la Konsilio de Sekureco de UN unuanime adoptis la rezolucion n-ro 1718 pri la nuklea eksperimento de PDRK, kiu postulas PDRK forlasi sian planon pri nuklea armilo kaj tuj senkondiĉe reveni al la 6-flanka intertraktado. Laǔ tiu rezolucio multaj landoj jam ellaboris sian punan planon al PDRK.

Lastatempe, okazis multaj diplomatiaj interpacigoj pri la korea nuklea problemo organizitaj de la internacia socio, kaj solvo de tiu problemo pere de intertraktado kaj dialogo ankoraǔ estas la komuna deziro de ĉiuj flankoj.