Posttagmeze de la 5-a de novembro fermiĝis la Pekina Pinta Konferenco de la Ĉina-Afrika Kunlabora Forumo. Ĉina prezidanto Hu Jintao kaj etiopia ĉefministro Meles Zenawi, kunprezidanto de la forumo, respektive prezidis la unuan kaj la duan stadiojn de la konferenco. La konferenco pasigis Deklaron de la Pekina Pinta Konferenco kaj Pekinan Agadan Programon (2007-2009) de la Ĉina-Afrika Kunlabora Forumo. La deklaro akcente prezentas la opiniojn pri gravaj internaciaj aferoj de la du flankoj kaj anoncas establi kaj disvolvi novajn strategiajn partnerajn rilatojn inter Ĉinio kaj Afriko. La pekina agada programo eksplikas planon kaj enhavon en ekonomia kaj socia sfero de Ĉinio kaj Afriko en la venontaj 3 jaroj, kiu elmontras reciprok-utilan kaj kunlaboran esencojn.

Kadre de la temo "Amikeco, Paco, Kunlaboro kaj Disvolvo", ĉina kaj afrikaj gvidantoj havis egalrajtajn diskutojn kaj venis en akordon pri la ĉina-afrikaj rilatoj, suda-suda kunlaboro kaj establiĝo de nova ordo en internaciaj politiko kaj ekonomio.

Ĉina prezidanto Hu Jintao diris: "Finiĝis la diskutoj de la forumo kaj ni atestis denove gravan historian momenton de ĉina-afrika amika kunlaboro. Ni kune kreos pli belan estontecon por la ĉina-afrika kunlaboro. Ni senlace klopodu por disvolvi novajn strategiajn partnerajn rilatojn inter Ĉinio kaj Afriko kaj prosperon de Ĉinio kaj Afriko.