La 18-19-an de novembro okazis en Hanojo, ĉefurbo de Vjetnamio, la 14-a Neoficiala Pinta Konferenco de Azi-Pacifika Ekonomia Kooperativo (APEK) kun la temo “Iru al granda familio viviplena, realigu daŭrigeblan disvolviĝon kaj prosperon”. Ĝin prezidis vjetnama prezidanto Nguyen Minh Triet kaj ĉeestis gvidantoj aŭ reprezentantoj de gvidantoj de la 21 membrolandoj de APEK. Dum la konferenco, la ĉeestantoj profunde diskutis pri subteno al la Doha Intertraktado, regiona komerca aranĝo por realigi la celon de Bogor, ekonomia kaj teknika kunlaboro kaj reformado de APEK.

Dum la konferenco, ĉina prezidanto Hu Jintao proponis konstrui harmonian Azi-Pacifikon, kaj tio estis vaste aplaŭdita kaj skribita en la ĉefan dokumenton de la konferenco “Hanoja Deklaracio” kiel komuna celo de ĉiuj membrolandoj de APEK: “Ni dediĉas nin al realigo de libera kaj malferma komercado kaj investado, prevento de la minaco al daŭrigebla disvolviĝo, konstruado de sekura kaj bona komerca medio kaj pliintensigo de la homara sekureco. Ni promesas klopodi por konstrui viviplenan kaj harmonian grandan familion de Azi-Pacifiko kaj feliĉigi ĝian popolon...”

La gvidantoj de la membrolandoj havas saman opinion pri la propono de Hu Jintao, kaj forte eĥis ankaŭ industriistoj kaj komercistoj ĉeestantaj la konferencon.