Lastatempe okazis en Pekino la Internacia Kunlabora Simpozio pri garantio de sekureco de Olimpikoj kaj grandskalaj sportkunvenoj kaj kontraŭterorismo, kun la celo kolekti spertojn de internacia sekureca organizo kaj specialistoj, disvastigi internaciajn interŝanĝon kaj kunlaboron en la kontraŭterorisma kampo internacia kaj konstrui iom post iom internacian kunlaboran sistemon pri garantio de sekureco de Olimpikoj.

La simpozion ĉeestis 12 specialistoj el 7 landoj en tiu kampo kaj policaj oficistoj el 10 ambasadorejoj en Ĉinio.

Ma Zhenchuan, estro de la Buroo de la Publika Sekureco de Pekino, diris en la salutvortoj, ke post kiam Pekino sukcesis en invito de Olimpikoj, sekureco de Olimpikoj ja fariĝis grava temo prizorgata de la tuta mondo. Kredeble, la simpozio ludos pozitivan rolon por glata funkciigo de la laboro por sekureco de la Pekinaj Olimpikoj kaj malfermos novan paĝon de batalo kontraŭ internacia terorisma kaj translandaj organizitaj krimadoj, kaj de internacia kunlaboro pri garantio de sekureco de grandskalaj sportkunvenoj.

Dum la 3-taga simpozio, la ĉeestantoj vaste interŝanĝis opiniojn pri batalo kontraŭ internacia terorismo, translanda organizita krimado, terorisma atako kontraŭ la tria lando, pri garantio de sekureco de grandskalaj sportkunvenoj kaj administrado de alilandanoj.

La simpozio estas kune organizita de la Komanda Centro de Sekureco de Olimpikoj de Pekino kaj la Esplora Instituto pri Regiona Krimado kaj Justico de UN.