La 22-an de novembro okazis en Pekino la Internacia Simpozio pri Homa Rajto kun la temo "Respekto kaj akcelo de homa rajto kaj konstruo de harmonia mondo". Dum la 3-taga simpozio organizita de la Ĉina Societo de Homrajta Studo, pli ol 70 specialistoj, erudiciuloj kaj ŝtatoficistoj el 19 landoj interŝanĝos opiniojn pri la kongresa temo.

Jiang Zhenghua, vicprezidanto de la Konstanta Komitato de la Tutlanda Popola Kongreso de Ĉinio, diris en la inaŭguro, ke oni devas respekti la rajton de ĉiuj landoj en memelektado de socia sistemo kaj disvolva vojo, pliintensigi dialogon kaj interŝanĝon de diferencaj civilizacioj, sub egala kaj malferma spiritoj akceli demokraton de la internaciaj rilatoj, klopodi por nuligi reciprokan suspekton kaj malamikecon, kaj kune konstrui harmonian mondon kun toleremo al ĉiuj civilizacioj, kie ĉiuj ĝuos homan rajton.

Dum la inaŭguro, la plej alta homrajta reprezentanto de Ukrajna Parlamento diris, ke nun ekzistas multaj problemoj en la homrajta kampo. Kelkaj landoj longtempe havas du diferencajn normojn pri homa rajto, kaj pro tio multaj landoj suferis grandan perdon, oni devas tiri lecionon. La brazila ministro de homa rajto proponis, ke la popoloj de diversaj landoj devas kune klopodi por realigi homaran justecon kaj pace kunekzisti por kune venki malriĉecon kaj malsatecon kaj konstrui egalan, civilizacian kaj belan mondon.

Tiu simpozio okazis ĉe la 40-jara datreveno de la "Internacia Pakto pri Civila kaj Politika Rajto" kaj la "Internacia Pakto pri Ekonomia, Socia kaj Kultura Rajto", ĉe la 20-jara datreveno de la "Deklaracio pri Disvolviĝa Rajto" de UN kaj ĉe la 15-jara datreveno de la unua blanka libro "Ĉina Homrajta Situacio" de Ĉinio.