En la kunveno por peti enskribi la Silkan Vojon en liston de la Mondaj Kulturaj Heredaĵoj, okazigita de Ĉinio kaj 4 centr-aziaj landoj en Uzbekio, 16 historiaj restaĵoj en Shaanxi-provinco de Ĉinio estis aprobitaj por kandidatiĝi kune kun la Silka Vojo por la Mondaj Kulturaj Heredaĵoj.

La 16 historiaj restaĵoj estas ruino de Chang'an-urbo kaj Tombo de Imperiestro Jingdi de Han-dinastio (156 a.K.-143 a.K. sur trono); Caotang-templo de la periodo de 16 regnoj (220-280); ruino de Daming-palaco en Chang'an-urbo, Dayan-pagodo, Xiaoyan-pagodo, groto de Dafo-templo, stelea skulptaĵaro pri la Silka Vojo de Tang-dinastio (618-907); Moskeo de Xi'an k.a. de Ming- kaj Qing-dinastioj (1368-1911).

En la agado, Ĉinio kunlaboras kun Kazaĥio, Kirgizio, Taĝikio kaj Uzbekio, kaj ili kune prezentos en la venontaj 3 jaroj oficialan skriban peton al la Komitato de la Mondaj Heredaĵoj de UNESKO.