La 1-an de decembro ĉina prezidanto Hu Jintao en Pekino intervidiĝis
kun s-ino Margaret Chan, nove elektita ĝenerala direktoro de la
Monda Sana Organizo. Li gratulis ŝin pro la elektiĝo kaj alte taksis
la aktivan klopodon kaj gravan rolon de la Monda Sana Organizo en
disvolvo de la monda higiena afero, kaj en la aktiva akcelo de la
higiena kunlaboro en la tuta mondo.
Hu Jintao diris, ke de multaj jaroj Ĉinio kaj la Monda
Sana Organizo sukcese kunlaboras en saniga edukado, preventado de
alte patogenaj infektaj malsanoj kaj disvastigo de tradiciaj ĉinaj
medicinoj. Tio favoras la disvolviĝon de medicina higiena afero
de Ĉinio kaj kontribuas al la sanigo kaj higiena sekureco por la
tuta homaro. La ĉina registaro ĉiam subtenos kiel antaŭe la laboron
de la organizo kaj fortigos kunlaboron kun ĝi en internaciaj higienaj
aferoj. Li esperas, ke s-ino Chan plene utiligos sian eminentan
profesian kvalifikitecon kaj riĉan sperton de laboro por bone gvidi
la organizon por servi al la popoloj de la tuta mondo.
Margaret Chan diris, ke ŝi tutanime faros la laboron
de la ofico, kaj klopodos kun ĉiuj flankoj por pli bone servi al
la tutmondaj popoloj.
|