La 4-an de decembro okazis en Pekino la 6-a politika dialogo de estro de administracioj de intelekta proprieto de Ĉinio, Japanio kaj la Korea Respubliko. En la dialogo partoprenis estroj de tiuj administracioj de la tri landoj kaj iliaj delegacioj.

En la kunveno ili diskutis pri la baza kadro de estontecaj interŝanĝoj kaj kunlaboroj de la tri landoj, subskribis protokolon de la 6-a dialogo, aprobis novan kunlaboran programon de interŝanĝoj de statistikaj datenoj kaj takso pri interreta servo, kaj venis en akordon pri mezperioda celo de la kunlabora plano, nome akiri informon per reciproka utiligo de serĉaj kaj ekzamenaj rezultoj por redukti laborkvanton.

Komenciĝis en 2001 la mekanismo de politika dialogo de estroj de administracioj de intelekta proprieto de la tri landoj, kaj ĝi alterne okazas en la tri landoj unu fojon jare. Ĉi-foje la tri estroj rediris, ke la kunlaboro helpas fortigi protekton de intelekta proprieto kaj antaŭenpuŝi integran disvolviĝon en la regiono, kaj opiniis, ke dece kaj efike protekti la intelektan proprieton estas ekstreme grave por akceli la teknikan progreson kaj plibonigon de investa cirkonstanco en la regiono.