Lastatempe, turismaj organizoj de la du bordoj de la Taiwan-a markolo refoje faris interkonsiliĝon pri turismo de loĝantoj de la ĉina ĉeftero al Taiwan.

La 29-an de novembro, Li Weiyi, proparolanto de la Oficejo de Taiwan-aj Aferoj sub la Ŝtata Konsilantaro de Ĉinio, diris en gazetara konferenco, ke la du turismaj organizoj jam solvis iujn problemojn kaj bezonas plian interkonsiliĝon. Li diris, ke la ĉeftero tenas pozitivan kaj praktikan sintenon pri la afero kaj esperas, ke la agado povos realiĝi pli frue.