La 6-an de decembro ĉina vicĉefministro Hui Liangyu diris en Pekino, ke la ĉina registaro alte atentas evoluadon de filantropia afero kaj bonvenigas ĉiujn amikajn internaciajn kaj fremdlandajn filantropiajn organizojn, grupojn kaj individuojn laŭleĝe disvolvi diversajn filantropiajn aktivadojn en Ĉinio.

En sia intervidiĝo kun Pat Robertson, prezidanto de la Kristanisma Koalicio de Usono, Hui diris, ke Pat Robertson estas malnova amiko de la ĉina popolo kaj ĉiam sin dediĉis al disvolvo de filantropiaj aktivadoj en okcidenta Ĉinio, kaj pro tio Ĉinio dankas lin.