La 15-an de decembro ĉina prezidanto Hu Jintao diris en Pekino,
ke Ĉinio kaj Usono devas kune klopodi por antaŭenpuŝi la ekonomian
kaj komercan kunlaboron en pli alta nivelo kaj pli vasta kampo kaj
malfermi ankoraŭ pli belan estontecon de siaj ekonomiaj kaj komercaj
rilatoj.
Tion li diris en intervidiĝo kun usona financa sekretario
Henry Paulson, speciala delegito de usona prezidento por la unua
Ĉina-Usona Strategia Ekonomia Dialogo. Li diris, ke la du landoj
devas havi la spiriton de reciproka utilo, komuna gajno kaj kuna
disvolviĝo por teni kaj disvolvi bonan tendencon de la ekonomia
kaj komerca kunlaboro, kaj samtempe havi pozitivan sintenon por
trakti problemojn en la ekonomia kaj komerca kunlaboro, pere de
senkaŝa kaj sincera dialogo kaj amika interkonsiliĝo.
Henry Paulson diris, ke la dialogo gajnis solidan progreson.
Usono plue klopodos por disvolvo de la ekonomia kaj komerca kunlaboro
inter la du landoj kaj fortigos kunlaboron kun Ĉinio en fuelo, sekureco,
mediprotektado, malfermo de merkato, medicino, higieno kaj antaŭenpuŝo
de la Daŭha-a Intertraktado.
|