Lastatempe Hua Junduo, ĝenerala reprezentanto de la ĉina registaro de la Ŝanhaja Monda Ekspozicio, raportis pri la preparado de la ekspozicio en la 140-a Asembleo de la Buroo de Internaciaj Ekspozicioj okazigita en Parizo, ke glate iras la laboro de internacia varbado de partoprenantoj kaj 100 landoj kaj internaciaj organizoj, duono de la dezirata numbro de la partoprenantoj, oficiale sin anoncis por partopreno, kaj iuj aliaj landoj esprimis sian deziron de partopreno tra diversaj kanaloj.

Hua diris, ke la ĉina registaro alte atentas la internaciajn partoprenantojn, kaj koncernaj departementoj estas ellaborantaj rilatajn regularojn kaj rimedojn pri en- kaj eliro de personoj kaj varoj, dogana kontrolo, imposto, asekuro kaj valuta administrado. Ĉinio pretas fari oftan kontakton kaj interkonsiliĝon kun la partoprenantoj.

Wang Jinzhen, ĉefdelegito de Ĉinio al la Buroo de Internaciaj Ekspozicioj kaj vicprezidanto de la Ĉina Komisiono por Akcelo de Internacia Komerco, informis, ke la plano pri ekspoziciejo estas plenumata.

La Ŝanhaja Monda Ekspozicio kun la temo "Bela urbo kaj bela vivo" okazos dum la 1-a de majo ĝis la 31-a de oktobro de 2010, en Ŝanhajo.