La 26-an de decembro, 591 tagojn antaŭ la inaŭguro de la Pekinaj Olimpikoj en 2008, oni finis instaladon de la lasta ETFE-kuseno de la Ŝtata Naĝa Centro de Ĉinio "Akva Kubo". Tiel, kiel unu el la tri ĉefaj konstruaĵoj de la Pekinaj Olimpikoj, la "Akva Kubo" jam havis sian kompletan eksteran strukturon. Poste oni komencos instaladon de ĝiaj internaj ekipaĵoj kaj dekoracion. Laŭ plano, la konstruado finiĝos en oktobro de 2007.

La "Akva Kubo" kun areo de ĉ. 80 mil kvadrataj metroj kaj alteco de ĉ. 30 metroj estas konstruaĵo fermita per vezikforma strukturo konsistanta el pli ol 3 mil kusenoj, kiuj kovras 100 mil kvadratajn metrojn. La tegmenta parto de la "Akva Kubo" havas 4 tavolojn da kusenoj kaj la muroj havas 2 aŭ 3 tavolojn.

La "Akva Kubo" havas 6 mil sidlokojn, kaj tie okazos naĝado, plonĝado kaj akvopilko dum la Pekinaj Olimpikoj. Post la Olimpikoj, ĝi servos kiel granda surakva sporta centro por okazigo de granda internacia matĉo, amuzado, sportado kaj korpoekzercado.