La 24-an de decembro Long Yongtu, ĝenerala sekretario de la Boao-a Azia Forumo, diris en Guiyang, ĉefurbo de Guizhou-provinco en sudokcidenta Ĉinio, ke en la ĝenerala situacio de la ĉina ekstera malfermo, aĉetado kaj aneksado fariĝos nova grava maniero altiri eksterajn kapitalojn kaj alportos novan disvolvan ŝancon por ĉinaj meza kaj okcidenta regionoj.

Tiutage en la 1-a Forumo pri Entreprena Evoluado de Guizhou, Long Yongtu diris, ke en la pasinteco eksteraj kapitaloj eniris en Ĉinion ĉefe per investo kaj fondo de fabrikoj, kaj en la estonteco ili eniros pli multe per aĉetado kaj aneksado.