Novembre de 2001 okazis en Daŭho, ĉefurbo de Kataro,
la 4-a ministra konferenco de la Monda Komerca Organizo, en kiu
Ĉinio estis akceptita kiel membro de tiu ĉi organizo. Ĝuste pro
tiu ĉi evento multaj ĉinoj ekkonis Kataron. Decembre de 2006 okazis
en Daŭho la 15-a Azia Sportkunveno, kaj oni turnis sian atenton
refoje sur tiun ĉi riĉan araban landon por koni ĝin de malsamaj
flankoj.
Lando
kuŝanta sur petrolo
Kun
565 mil loĝantoj, Kataro sur la Katara Duoninsulo ĉe la Persa Golfo
areas iom pli ol 10 mil kvadratajn kilometrojn. Kvankam la grandeco
de ĝia teritorio egalas nur kvaronon de tiu de la svisa, tamen ĝia
pokapa enspezo estas pli multa ol la svisa kaj okupas la 1-an lokon
en la mondo. Kataro abundas je petrolo kaj natura gaso, precipe
la rezerva kvanto de ĝia natura gaso okupas la 3-an lokon en la
mondo, tial oni nomas ĝin lando kuŝanta sur petrolo. Kataro estas
unu el la ĉefaj petrolo-eksportaj landoj en la mondo, 95% de la
petrolo produktita de ĝi estas destinita por eksporto, kaj ĝia nafta
produktovaloro okupas 27% de ĝia totala enlanda produktovaloro.
La katara registaro multe atentas disvolvon de la ekonomia diverseco
por redukti dependon de la nacia ekonomio de la petrola produkto.
Fervoraj
kaj gastamaj kataranoj
Kataro
estas islama lando. Influataj de la tradicia islama kulturo, kataraj
popolanoj estas fervoraj, gastamaj kaj ĝentilaj. Laŭ ili, senpacienco
kaj koleremo estas malĝentila konduto, kaj tiuj, kiuj ne povas sin
deteni, malfacile ricevas respekton de aliaj.
Surstrate oni ofte vidas jenan scenon: post dikventra
viro, vestita per tradicia blanka robo kaj ruĝ-blanka turbano fiksita
per nigra ringo, iras 3 aŭ 4 virinoj, vualitaj per nigra gazo, el
kiu montriĝas nur la okuloj, inter la viro kaj virinoj estas kelkaj
infanoj. Ĝenerale ili venis el tipa katara familio.
En Kataro estas neniu amuzejo kaj drinkejo. Kataranoj
ŝatas aŭtostiron. Ili ofte per la unua rapido direktas la aŭton
sur altan dunon, poste rapide malsupren, kaj tiel reen.
Televida
Stacio Al Jazeera
La Televida Stacio Al Jazeera, establita de la katara registaro,
estas bone konata en la mondo pro la usona evento de la 11-a de
septembro kaj la afgana krizo. Plurfoje ĝi publikigis novaĵojn pri
Osama Bin Laden, ĉefo de la terorisma organizo Al Qaeda, kaj la
afgana armita forto Tariban.
Tiu ĉi televida stacio troviĝas en Daŭho. Kontraste
kun ĝia granda famo, ĝia tuta konstruaĵo, nur unu-etaĝa domo, estas
tre modesta. La televida stacio estis konstruita de la katara registaro
per 137 milionoj da usonaj dolaroj en februaro 1996 kaj ekfunkciis
novembre de la sama jaro. Ĝi estas la unua televida stacio pri novaĵoj,
funkcianta surloke en la araba mondo. En la komencaj 5 jaroj la
registaro financis ĝin ĉiujare je miliardo da usonaj dolaroj, kaj
nun ĝi iom post iom evoluas al komerca funkciado.
Pursanga
araba ĉevalo
En
la inaŭguro de la 15-a Azia Sportkunveno iu araba rajdisto sur ĉevalo
sturmis krutan altaĵon kaj bruligis torĉon fiksitan sur la astronomia
instrumento, simbolo de la suno. Iuj amaskomunikiloj multe raportis
pri tiu ĉi mirinda "araba ĉevalo". Sed poste oni malkaŝis,
ke ĝi ne estas pursanga araba ĉevalo. Pro malfacila edukado de araba
ĉevalo la Organiza Komitato de la 15-a Azia Sportkunveno forlasis
la antaŭan planon kaj anstataŭigis la araban ĉevalon per la mongola.
Tio aldonis misteron al la ĉevalo.
En la mondo estas pli ol 300 ĉevalspecoj, inter ili
la plej famaj estas Hanxue-ĉevalo, pursanga ĉevalo kaj araba ĉevalo.
Laŭ koncerna preskribo de la Monda Organizo de Arabaj Ĉevaloj, ĉiuj
landoj, en kiuj oni bredas arabajn ĉevalojn, havas registron de
la ĉevala sango por konservi la eminentan genon. Unu pursanga araba
ĉevalo kostas almenaŭ kelkcent mil usonajn dolarojn kaj eĉ pli.
|