De la
26-a de februaro ĝis la 10-a de marto de 2009 okazos en Anapurna,
Nepalo, la 8-a Internacia Himalaja Renkontiĝo. Pli da informoj troveblas
en la blogo de Razeno: <http://www.ipernity.com/blog/razeno/86247>
kaj tie ankaŭ haveblas la aliĝilo de tiu ĉi aktivado.
La Red.
La Nepala Esperanto-Asocio ĝojas anonci
la 8-an dekdutagan Internacian Himalajan Renkontiĝon por konigi
sian landon al alilandaj esperantistoj. Apenaŭ ekzistas iu lando
en la mondo, kiu povus rangi samnivele kun Nepalo rilate naturan,
etnan kaj kulturan diversecojn. Partoprenante la renkontiĝon, vi
havos la ŝancon formi vian propran bildon de la lando kaj samtempe
konatiĝi kun lokaj kaj alilandaj esperantistoj, kiuj ĉeestas la
samajn programerojn.
Vi pasigos la unuajn kaj lastajn tagojn
de la renkontiĝo en la valo Katmando, kie situas la ĉefurbo de Nepalo.
La tieaj historiaj distriktoj kaj monumentoj atestas ĝian riĉan
kulturan pasintecon notinde tiujn de la plej grandaj Patano kaj
Bhaktapuro kaj kie vi povos vidi kiel la originaj etnoj de la valo
restas fidelaj al siaj jarcentaj tradicioj malgraŭ multflanka moderniĝo
de la valo.
La ĉefa parto de la programo de la renkontiĝo
estos vojaĝo al alia granda valo de Nepalo, Pokhara okcidente de
Katmando je 200 kilometroj. Survoje vi haltos por fari rajdon flose
sur Trisuli-rivero.
Pokhara same kiel Katmando situas en meza
regiono de la lando je kelkdekaj kilometroj sude de la montaro Himalaja,
kaj de ĝi vi povos ĝui fabelan panoramon de la montoj de Anapurna,
Dhaŭlagiri kaj Manaslu. La pinto de Maĉapuĉre (la fiŝvosto) majeste
dominas la scenon.
De Pokhara vi entreprenos Beshisahar rondpiedvojaĝon
ĝis Pokhara tra Anapurna Himalaja Regiono, dum kiu vi havigos al
vi (krom kelkajn dolorajn muskolojn!) bonegan ideojn pri la montara
vilaĝa vivo, tiel kiel la plejmulto de la popolanoj ĝin spertas
tage.Vi ankaŭ ĝuos majestajn vidaĵojn de la montaro Himalaja en
Anapurna, Nilgiri kaj Daŭlagiri.
Tie vi povas observi la vivon kaj kulturon
de la etna popolo precipe gurungoj, ghaleoj kaj thakalioj.
La gurungoj/Ghaleoj estas famaj pro siaj
kuraĝo kaj braveco en batalo. Multaj el ili servas en armeoj de
diversaj landoj (ili estas honestaj, sinceraj kaj naivaj).
La gurunga popolo parolas sian propran
lingvon. Laŭ la lingva kaj etna ecoj ili parencas al la magara,
thakalia kaj kirata gentoj. La gurungoj estas ankaŭ famaj pro sia
honesta pensmaniero kaj siaj riĉaj tradicioj danca kaj muzika. Ili
estas ĉiam ridemaj malgraŭ siaj penegaj vivoj. Plimulto de ili vivas
en la alta Lamĝung kaj Kaski-distrikto laŭ flanko de Marsangdi-rivero.
La vivo de tiuj homoj en montaro estas modesta kaj ilia laboro sur
montdeklivoj -- penega.
Dum via restado vi loĝos en bonkvalitaj
hoteloj kun matenmanĝo. Ĉiuj manĝo-kostoj (en la montara parto)
kaj aliaj kostoj en Nepalo estas inkluzivitaj en la aliĝo-kosto,
sed tio ne ampleksas asekuron. La kotizo estis kalkulita por kovri
kostojn, sed ne por gajni monon. Similaj turismaj servoj kutime
kostas preskaŭ 90 eŭrojn tage, tamen multaj el la niaj estas volontulaj
servoj fare de nepalaj esperantistoj.
Specialaĵo de tiu montara regiono estas
la famaj gurungaj selaladoj. Vi trapasos kelkajn inkluzive de Khudi
Galegaŭ Bhuĝung, Pasgaun ktp. La montareto tie estas kovrita de
arbaro de rododendro, la belega nacia floro de Nepalo. Vi ĝuos ankaŭ
vidojn de nigraj simioj (presbitoj), cervoj (kapreoj) kaj montaraj
birdoj diversspecaj.
La programo estas planita por taŭgi al
ĉiuj aĝogrupoj. Ĉi-foja itinero estas preskaŭ virga kaj nedifektita
pro troa turismado.
Eblaj vidoj de monatoj dum vojaĝo: MCAPUĈRE
(6700 mtr) ANAPURNA (8090 mtr) ANAPURNA IV (7550 mtr) LAMĜUNG HIMAL
(7000 mtr) HIMALĈULI (6750 mtr) kaj multe da aliaj pintoj.
Laŭ taga programo:
La 26-an de februaro: Alveno, bonvenigo,
interkonatiĝo
La 27-an de februaro: Vidindaĵoj Pashupati
kaj Bhauddnath
La 28-an de februaro: Vidindaĵoj Patano
kaj Bhaktpuro
La 1-an de marto: Veturo al Beshisahar
Kaj Khudi
La 2-an de marto: De Khudi ĝis Ghale Gaun
La 3-an de marto: De Ghalegaun ĝis Bhujung
La 4-an de marto: De Bhujung ĝis Pasgaun
La 5-an de marto: De Pasgaun ĝis Pakhurikot
(naidar)
La 6-an de marto: De Pakhurikot ĝis Hotelo
Daybreak Begnas lago aŭ Pokhara
La 7-an de marto: De Begnas ĝis Pokhara
La 8-an de marto: Vidindaĵoj kaj veturo
al Kathmanduo
La 9-an de marto: Libera tago kaj Internacia
vespero
La 10-an de marto: Forflugo
(Laŭ taga itinero ŝanĝeblas pro neatenditaj
kialoj)
La kotizoj: La komitato de la renkontiĝo
decidis, ke la kotizo estu 450 Eŭroj por du-lita ĉambro kaj 500
por la unu-lita. Kaj unu-lita ĉambro en Montara parto de Nepalo
ne estas garantiita.
La adreso de la 8-a IHR-Komitato:
Nepala Esperanto-Asocio
G.P.O. post box no: 8974 cpc 102
Kathmandu, Nepal
Telefono: 00977-1-6209877
(de la 26-a de februaro ĝis la
10-a de marto 2009)
Organizo de Nepala
Esperanto-Asocio Katmando, Nepalo
(el http://www.ipernity.com/blog/razeno/86247)
|