La Komitato
de UEA dum la Universala Kongreso en Florenco, en la jaro 2006-a,
estis informita pri la fenomeno de lernolibroj pri historio kune
verkitaj de aŭtoroj el malsamaj landoj, kiuj estis malamikaj en
la pasinteco.
Aparte oni montris la lernolibron pri
la komuna historio inter Ĉinujo, Japanujo kaj Koreujo, kiu estis
eldonita en la jaro 2005-a en tri naciaj lingvoj. Ĉar ĝi estas libro
pri komuna historio, ĝi oportune estu ankaŭ en komuna lingvo Esperanto.
42 volontulaj esperantistoj el tri landoj nun preparas Esperanto-version
de la libro, celante eldoni ĝin antaŭ la Universala Kongreso en
la jaro 2007-a, sub aŭspicioj de la tri landaj asocioj.
La fenomeno ekestas ankaŭ en Europo, kie
aperis komuna german-franca lernolibro pri historio en junio 2006-a
en la germana kaj franca lingvoj.
La Komitato rekomendas al la Estraro de
UEA gratuli la verkintojn kaj tradukantojn de tiaj lernolibroj kaj
esprimas subtenon pri la ideo, el kiu tiuj lernolibroj fontas, kiu
tute bone kongruas kun la ideo de internacia interkompreniĝo, kiun
celas la Esperanto-movado.
Renato Corsetti
Prezidanto de UEA
|