Laŭ la propono de la prezidanto de la Belartaj Konkursoj de UEA prof. Humphrey Tonkin kaj de la sekretario Michela Lipari, la Estraro de UEA kompletigis la ĵurion de la poezia branĉo per du novaj juĝantoj. Temas pri du pintaj reprezentantoj de la juna generacio de Esperantaj poetoj, Mao Zifu el Ĉinio kaj Jorge Camacho el Hispanio. La aliaj ĵurianoj estas Carmel Mallia el Malto kaj Roberto Passos Nogueira el Brazilo.

(El Gazetaraj Komunikoj de UEA)