Kun granda
ĝojo mi informas vin kaj ĉiujn esperantistojn kaj amikojn de Esperanto,
ke post kelkjardekaj klopodoj Esperanto-Ligo en Israelo sukcesis
atingi la jenan celon: "Apero de la unua oficiala Esperanta-Zamenhofa
poŝtmarko en Israelo".
La emisio okazos la 17-an de decembro
en 2006. Sur la pm. aperas portreto de L. L. Zamenhof dezajnita
en Esperanto-teksto.
Samtage ĝi estos stampata per unuataga
porokaza stampo (interalie sur UTK), kaj iom poste aperos ankaŭ
memorfolio, kiu surhavos la samajn poŝtmarkon kaj stampon.
Menciindas, ke la Israela Filatela Servo
akceptis la peton aperigi poŝtmarkon okaze de la 120-a datreveno
de la naskiĝo de Esperanto kaj la 90-a datreveno de la forpaso de
Zamenhof precipe danke al klopodoj de la israela esperantistino
Malka Zemeli.
Pri la rilatoj kun la emisianta instanco
respondecas Jehoŝua Tilleman, ĉefdelegito de UEA en Israelo, kiu
okupiĝadis kune kun Malka Zemeli pri ĉiuj teknikaj detaloj kaj daŭre
okupiĝos pri la disvendado de la poŝtmarkoj kaj la kromproduktoj
inter la esperantistoj.
(Josef Ŝemer <jshemer@actcom.net.il>)
|