42 minutojn kaj 53.8 sekundojn post la 3-a horo matene de la 28-a de julio, 1976, en Tangshan, Hebei-provinco de Ĉinio, okazis tertremo de 7.8 gradoj en Richter-skalo. La sekvantaj 23 sekundoj por ĉinoj estas neforgeseblaj, kaj por Tangshan-anoj, kiuj spertis la 23 sekundojn kaj postvivis la tertremon, estas neforigebla doloro kaj neesprimebla teroro.

En la 23 sekundoj, mortis 242 mil homoj kaj vundiĝis 164 mil homoj, pli ol 7200 familioj pereis, pli ol 10 mil familioj perdis siajn anojn, 4204 infanoj orfiĝis; detruiĝis 97% de la konstruaĵoj kaj 55% de la produktaj ekipaĵoj, kaj interrompiĝis trafiko, akvoprovizado, elektro-provizado, komunikado; en la 23 sekundoj rekta ekonomia perdo atingis 3 miliardojn da juanoj; la industria urbo kun miliono da loĝantoj fariĝis ruino.

30 jaroj pasis. Kompare kun 30 jaroj, 23 sekundoj estas nerimarkebla, tamen la 23 sekundoj en 1976 de Tangshan estas ĉiam korŝira por ĉinoj.

Tangshan post la tertremo	Tangshan-a Lokomotiva Fabriko post la tertremo	Vojo fendigita de la tertremo
Detruita ponto	Fabriko post la tertremo	Trajno ekster la reloj
Konstruaĵo de la Tangshan-a Karbominejo post la tertremo	Transformatorejo de la Tangshan-a Elektrejo post la tertremo	Helpantoj rapidis al Tangshan
Serĉi enterigitojn	Helikoptera transporto de vunditoj	Intenca savado
Aerarmeo paraŝutigas urĝe bezonatajn materialojn

L