Delonge malfacila monprunto estas grava problemo, kiu baras la disvolviĝon de la ĉinaj kamparanoj. Ĉar la ekonomia forto de la kamparanoj estas malforta kaj mankas al ili kredita garantio, tial oficialaj financaj institucioj ne volas pruntedoni monon al la kamparanoj. Por multaj ĉinaj kamparanoj, aĉeti semojn kaj kemisterkon per kelkcent juanojn estas granda elspezo. Male komercistoj de domoj en multaj urboj facile povas pruntepreni miliardon da juanoj.

Por solvi la problemojn en la kamparo, ke malmultaj estas bankoj, nesufiĉa la financa provizo, nekompleta konkurenco, en la fino de 2006 la Ĉina Banka Superrega Komisiono ekpraktikis gravajn politikojn pri specoj de financaj institucioj kaj limigo de kapitalo por malstreĉi la enmerkatiĝon de la kamparaj financaj institucioj. Ekzemple permesi establiĝon de vilaĝ- kaj guberni-nivelaj bankoj, plansetlejaj kooperaj financaj institucioj kaj kreditigaj filioj de granda banko, larĝigi amplekson de enmerkatiĝo de kapitalo, kuraĝigi investon de diversaj kapitaloj por establo de vilaĝ- kaj guberni-nivelaj bankoj en la kamparo, malaltigi la normon de registra kapitalo. La minimuma kapitalo por establo de koopera institucio estas nur 100 mil juanoj.

La novaj politikoj signifas, ke rompiĝis la strukturo kun urbo kiel centro de tradicia ĉina banko, ŝanĝiĝos la fenomeno atenti industrion kaj neglekti agrikulturon, kaj la kampara financa merkato malfermiĝos al en- kaj eksterlandaj financaj institucioj. Kuraĝigi bankon eniri en la kamparon implicas, ke malgranda kredito bonstatigos la kamparanojn kaj bona stato de la kamparanoj antaŭenpuŝos la perfektiĝon de la kampara financo. Tial la novaj politikoj havas profundan kaj longan influon por estonteco.

La reformado de la financa sistemo de la kamparo ekrapidiĝis en la jaro 2001. Ĝis la fino de novembro 2006, la kredito de kamparaj financaj kooperaj institucioj, agrikulturaj bankoj kaj agrikulturaj disvolvaj bankoj atingis 4.5 bilionojn da juanoj, okupante 20% de la kredita sumo de bankoj kaj financaj institucioj. 70.72 milionoj da kamparaj familioj akiris krediton de malgranda sumo.

Kvankam evidenta estas la rezulto de kampara financa reformado, tamen la estonta tasko ankoraŭ estos peza. Ĝi signifas, ke la kampara financa merkato havas potencan latentan forton. Laŭ statistiko, ĝis 2020, la konstruado de nova kamparo bezonos 15 bilionojn da juanoj, kaj 300 milionoj da kamparanoj estos helpataj.

Malfermo kaj facila eniro ludas gravan rolon por la kampara financa merkato, kiu longe restis en malfacila situacio. Izolita kampara financa merkato ne povas formi necesan konkurencon, kaj sen konkurenco financaj postuloj diversaj de la kamparanoj kaj iliaj entreprenoj ne povas esti kontentigataj.

La ĉina kamparo estas tre eksterordinara komunumo memfermita kaj nepotisma. Influate de tiaj kondutoj kaj koncepto, kamparanoj volontas porti devojn kaj kontribui por sia familio, kaj malfacile kredas fremdulojn. Laŭ la rezulto de la kampara financa reformado en la pasintaj pli ol dek jaroj, iuj rimedoj aplikitaj sen konsidero pri interesoj kaj postuloj de la kamparanoj nek direktitaj surbaze de merkato fine malsukcesis. Konscio pri tiu ĉi fenomeno estas tre grava por tiuj, kiuj intencas entrepreni pri la kampara financa merkato.

Laŭ reala cirkonstanco de la ĉina kamparo, starigi financajn kooperajn instituciojn, instituciojn de malgranda kredito kaj asekurajn kompaniojn de malgranda kredito estas ĉefa elirejo por disvolvo de la kampara financo.

Por tiu celo ne sufiĉas la malstreĉo de enmerkatiĝo. Praktikante novajn politikojn, la registaro devas atenti disvolvan spacon de financaj entreprenoj en la kampara merkato, kaj pretigi respondajn rimedojn por protekti ilin, ekzemple liveri registaran garantion al la kamparanoj kaj permesi al la kamparanoj fari garantion unu por alia, por ke la kamparaj bankoj travivu la malfacilan komencon.