Unua paĝo >> Socio >> Fokusaj temoj


La Pekinaj Handikapulaj Olimpikoj en 2008: Ni estas pretaj

de LIU MENGYU

"Brave", kriis rigardanto sur la spektopodio.

Sur la stadiono, 3 ĉinaj teamanoj ĝoje aplaŭdis por golo.

La 14-an de septembro, en la konkursejo de la Internacia Celgloba Invitata Turniro por Blinduloj en 2007, pro la intensa konkurso de la ĉina teamo kaj kanada teamo, la rigardantoj forgesis ke la sportistoj estas malfortaj en vidpovo kaj tute turnis sian atenton al la intensa ludo.

Post du tagoj, la ĉina teamo akiris la ĉampionecon, tio estas la unua fojo en la historio.

Kiel la unua kaj unusola ekspertiza programo de la Pekinaj Handikapulaj Olimpikoj en "Feliĉa Pekino" en 2007, finiĝis la 4-taga Internacia Celgloba Invitata Turniro por Blinduloj en 2007. Sed por la Pekinaj Handikapulaj Olimpikoj en 2008, ĉio estas en komenciĝo.

Volontuloj estas vivlinio de la Handikapulaj Olimpikoj

De la 13-a ĝis la 16-a de septembro okazis en la stadiono de la Pekina Instituto de Teknologio la Internacia Celgloba Invitata Turniro por Blinduloj en 2007, kies celo estas ekzameni la funkciadon de la volontuloj.

"Saluton! Bonvolu meti vian brakhorloĝon en la pleton."

"Saluton! Bonvolu foti la plankon per via fotilo."

Antaŭtagmeze de la 14-a de septembro, geedzoj Zhang Wenchang urĝe iris al la stadionon de la Pekina Instituto de Teknologio por rigardi tiu ĉi turniron. Ĉar ili timis malfluiĝi, ili iris rapide, sed volontuloj por sekureco-ekzameno haltigi ilin kaj ĝentile petis ilin akcepti sekureco-ekzamenon.

Kvankam tiu ĉi matĉo nur estas provludo antaŭ la Pekinaj Handikapulaj Olimpikoj en 2008, sed la sekureco-ekzameno estas tiel serioza kaj oficiala, ke tio estis ne atendita de la geedzoj Zhang.

"Saluton! Havu plezuron de la matĉo!"

La volontuloj ekster la stadiono salutis al ĉiujn rigardantojn kaj faris mangeston "bonvolu". Post taga laboro, ilia voĉo estis raŭka kaj doloris al ili la kruroj, sed ilia rideto estis serena.

Enirinte la stadionon, la geedzoj estis kondukitaj al la sidlokoj kaj vidis rideton de volontuloj.

Baldaŭ sonis la sonorilo por matĉo. Ĝenerale, aklamas la rigardantoj vidante golon. Sed ĉar la blindaj sportistoj bezonis lokalizi la globon per aŭdado, do volontulo metis tabulon kun la vorto "Silenton" en okulfrapa loko por atentigi la rigardantojn.

Antaŭ tiu ĉi turniro, ĉinoj preskaŭ nenion aŭdis pri celglobo de blinduloj. Tial, tiu ĉi turniro ne nur ekzamenas la organizantojn de la turniro, sed ankaŭ volontulojn.

360 volontuloj sin anoncis por servi al tiun ĉi turniro, ili laboris en 15 fakoj inkluzive de helpado de sekureco-ekzameno kaj informo-centro k.t.p. 201 el ili estis universalaj volontuloj, kaj la aliaj — la fakaj. 5 el la volontuloj havas akademian titolon de magistro kaj estas difinitaj de la direktoro de la Pekina Instituto de Teknologio kiel "specialaj volontuloj", kiuj speciale servas al la raportistoj kun kripluloj "unu por unu" tuttage.

De la 1-a de septembro, 360 volontuloj por tiu ĉi turniro komencis akcepti serion da trejnadoj inkluzive de scio de la Handikapulaj Olimpikoj, etiketo de kripluloj, scio pri celglobo por blinduloj k.t.p. Krome, ili ankaŭ ĉeestis aliajn aktivadojn, ekzemple spertado de helpado al kripluloj.

"Mi sentis streĉitecon kiam mi ĵus komencis kontakton kun kriplaj sportistoj, sed ili estas tre amikaj. Ilia kuraĝigo trankviligis nin. Ĉar ĉiuj sportistoj kun malforta vidpovo havas sian specialan bezonon, tiel ni devas ellerni observi kaj kompreni ilin, por liveri efikajn taŭgajn helpon kaj servon. Nia esperas, ke ili povos glate konkursi kaj ĝoje pasigi ĉiun tagon en Pekino." Tion diris iu volontulo de la Pekina Instituto de Teknologio.

"La volontuloj estas tre bonkoraj, vi povas senti ilian entuziasmon kaj helpemon, kaj ili ĉiam lernas sperton modeste." Tion diris James Leask, komitatano de la Administra Komitato de la Internaciaj Handikapulaj Olimpikoj kaj prezidanto de celglobo por blinduloj de la Internacia Blindula Sporta Asocio. Li opinias, ke la volontuloj de tiu ĉi turniro estas sinoferemaj trejnataj, kaj bone akceptas kulturadon, klopode laboras kaj provizas delikatan servon kun entuziasmo kaj fervoro.

La Organiza Komitato de la Pekinaj Olimpikoj elmetis la sloganon dum la trejnado de volontuloj por la Pekinaj Handikapulaj Olimpikoj — "Influas vivon per vivo kaj estu gajaj volontuloj por la Handikapulaj Olimpikoj."

Zhao Jihua, eksa membro de la plenuma konsilantaro de la Federacio de Ĉinaj Kripluloj kaj konsilanto por trejnado de la Pekinaj Olimpikoj, diris: "Volontuloj por la Handikapulaj Olimpikoj estas kompanoj kaj amikoj de la kriplaj sportistoj. Tial, la volontuloj devas kompreni kriplulojn kaj proksimiĝi al ili, sed ne nur servi por ili."

Pro la kunlaboro de ĉiuj volontuloj sur diversaj postenoj, la difinitaj celoj de tiu ĉi turniro estis perfekte atingitaj. La konkurso ekzamenis kaj akordigis la laboran sistemon de volontuloj, riĉigis la sperton de la volontuloj, altigis la ĝeneralan kvaliton kaj nivelon de tiu ĉi grupo kaj prezentis elstaran volontulan grupon spertan en helpado al handikapuloj.

Senbara stadiono

Funkciado de stadionoj estas unu el la provoj de la invita turniro.

Gimnastejo de la Pekina Instituto de Teknologio areas 21.9 mil kvadratajn metrojn kun 5000 sidlokoj. Kiel unu el la rekonstruitaj stadionoj por la Pekinaj Olimpikoj, ĝi estas la unua el la olimpikaj stadionoj en altlernejoj kiu trapasis ekspertizon. Okazos tie la antaŭfinala matĉo de flugpilko dum la Pekinaj Olimpikoj kaj konkurso de celglobo por blinduloj dum la Handikapulaj Olimpikoj en 2008.

La konkurso de celglobo rigore postulas de ekipaĵoj en la stadiono. Kiel la unue provata stadiono por la Handikapulaj Olimpikoj, la gimnastejo de la Pekina Instituto de Teknologio penadis por fari sin senbara sportejo.

De detaloj homoj povas vidi la penadon de la lernejo: en la gimnastejo etendiĝas 270-metra vojo por blinduloj, kiu direktiĝas al ĉiuj lokoj; la rektaj muranguloj estis tegitaj per mola materialo por eviti vundon; en necesejoj instaliĝas alarma sonorilo kaj signo en la brajlo; "parolpova" lifto portas blindulojn al dezirata etaĝo; sur ŝtupoj kaj peronoj algluiĝas reflektaj bendoj. "Parto de la blinduloj sentas lumon. Pere de reflektaj bendoj, ili povas senhelpe iri sur ŝtupoj", diris volontulo.

Yao Yongquan, sportisto de la ĉina blindula celgloba teamo, diris: "En multaj lokoj troviĝas signoj en brajlo, tial ni povas libere iri en la gimnastejo. La sportejo estas unu el la plej bonaj inter tiuj de internaciaj konkursoj. Planko en aliaj ludejoj estas ligna, sed ĉi tie ni sentas, ke ĝi estas kaŭĉuka. Mi sentas min kontenta dum konkurso."

En la gimnastejo troviĝas 20 sidlokoj por rulseĝoj. Ili estas plej bonaj sidlokoj por spektado. La barilo de spektosidejo por handikapuloj estas vertikala. Rigardlinio de homoj en rulseĝo estas malpli alta al tiu de ordinara homo. Se la balustrado estos horizonta, ilia vidado estos barita.

Spektanto en rulseĝo diris al mi: "Pere de senbara vojo ni povas facile eniri en la stadionon per lifto. Krome la volontuloj liveras rulseĝojn kaj estas entuziasmaj."

Ĉe speciala bilet-giĉeto oni povas aĉeti bileton por homoj en rulseĝo, kaj akompananto de la handikapulo povas aĉeti bileton apud la akompanato.

En sep necesejoj instaliĝas moveblaj brak-apogiloj, kaj ĉiu kuvo disponas kvar kvadratajn metrojn. Rulseĝoj povas atingi necesejon, tualetejon, dopaĵ-ekzamenan ĉambron ktp. La pordoj estas pli larĝaj.

Ankaŭ akustiko estas speciale traktita. La plafono el unika materialo povas malaltigi 35 decibelojn kaj superregi miksan sonon en la gimnastejo. La spektosidejo estas pli alta ol la ludejo, tial sportistoj ne ĝeniĝas de bruo de la spektantoj.

Kutime handikapuloj ne ŝatas esti portataj, sed preferas trakti aferojn per sia propra povo. Pro tio en la halo de gazetara konferenco de la gimnastejo, dekstre de la podio, troviĝas senbara dekliva pasejo, ke sportistoj kaj trejnistoj en rulseĝo povos senhelpe "iri" sur la podion.

Antaŭe sidloka rezervo por ĵurnalistoj estas sur la dua etaĝo. Nun por faciligi agadon de handikapulo-ĵurnalistoj, oni instalis apud la ludejo areon por handikapulo-ĵurnalistoj.

Senbareco de ekipaĵoj estas grava normo por ekzameni olimpikajn stadionojn, kaj senbareco de komunikado estas grava indiko por handikapulaj olimpikoj. Celgloba Invita Turniro en 2007 pretigis brajlajn tajp-maŝinojn kaj son-aparatojn, kaj brajlajn dokumentojn.

James Leask alte taksis la funkciadon, servon kaj ekipaĵojn de la turniro, ke nur malmultaj punktoj bezonas plibonigon kaj ĉio jam estas en la nivelo de Olimpikoj. Via propaganda slogano estas 'Ni estas preta' kaj estas samtitola kanto kaj mi povas certigi al vi, ke la gimnastejo ja estas preta. Se estos necese, ni jam povos okazigi handikapulan matĉon tuj morgaŭ."

Respekto, kompreno kaj amo al handikapuloj estas marko de progreso de civilizacio de ŝtato kaj socio. Kvankam la ĉina registaro kontinue atentas la aferojn de handikapuloj, tamen Ĉinio estas disvolviĝanta lando, kaj ilia stato bezonas multan plibonigon.

La senbaraj ekipaĵoj povas faciligi la sportadon kaj vivon de la handikapuloj, dum la publiko bezonas senbarecon en la spirito.