Rolo de "bazaj organizoj neregistaraj "

De 2006 en Guangxi kaj aliaj regionoj, kie aidoso serioze disvastiĝis, aperis "bazaj organizoj neregistaraj". La membroj de la organizoj aktivis en bufedejoj, parkoj kaj gimnastejoj por disvastigi sciojn pri prevento de aidoso.

Nuntempe la ĉefa maniero de disvastiĝo de aidoso en Ĉinio estas narkotaĵa injekto kaj seksumado. En 2006 oni trovis en Guangxi la unuan kazon de vira samseksemulo-aidosulo dum memvola konsulto kaj ekzameno pri aidoso. Septembre de 2006 stariĝis la unua laborgrupo por plibonigi sanon organizita de "kamaradoj". La laborgrupo okazigis agadojn, ekz. starigo de "kamarada komunumo", disdono de senpagaj kondomoj, memvola konsulto kaj ekzameno de aidoso, grandskala subĉiela amuzado, por ke scioj pri preventado de aidoso disvastiĝu inter "kamaradoj".

En ĉambro kun 50 kvadrataj metroj, helpate de loka profilaktika departemento, membroj de la laborgrupo, pere de konsultejo, telefono, rendevuo, vizito kaj interreto, faris senpagan konsultiĝon kaj ekzamenon pri aidoso por pli ol 400 samseksemuloj en naŭ monatoj.

"Ekde funkciado de termolinia telefono ni ricevas pli ol 20 konsultajn telefonojn ĉiutage. Tio evidente montris, ke la samseksemuloj ja altigas konscion pri memprotektado," diris Ma, membro de laborgrupo de Liuzhou, Guangxi. Ĝia sekva paŝo estas intensigi kunlaboron kaj interŝanĝon kun alilokaj "kamaradaj" organizoj.

Krom telefona komunikado, la organizoj starigis ret-mesaĝaron por publikigi pli da informoj. La reciprokaj interŝanĝoj sciigas preventadon de veneraj malsanoj kaj aidoso al pli da samseksemuloj.

Aperas pli da "bazaj neregistaraj organizoj" por preventi aidoson. Iuj kunlaboras kun profilaktikaj departementoj, iuj okazigas agadojn helpe de neregistaraj organizoj, kaj aliaj, depende de sia propra forto, influas kaj orientas samseksemulojn por efike bridi disvastiĝon de aidoso inter samseksemuloj.