Aktualajhoj Unua paĝo >> Socio >> Fokusaj temoj


Ekfunkciis trejnada plano de psika helpo en regionoj plagitaj de la tertremo

La 26-an de junio ekfunkciis en Chengdu, ĉefurbo de Sichuan-provinco, la trejnada plano "ambasadoro kun verda silko-rubando" por doni psikan helpon al suferantoj en regionoj plagitaj de la tertremo. Laŭ tiu ĉi plano oni invitis dekojn da famaj psikiatroj kaj psikologoj por trejni kuracistojn kaj flegistinojn pri psika helpo en regionoj plagitaj de la tertremo en Sichuan-provinco.

La tertremo okazinta en Wenchuan-gubernio la 12-an de majo alportis al suferantoj ne nur damaĝon de korpoj, sed ankaŭ grandegan damaĝon de spirito pro morto de parencoj kaj ruiniĝo de la hejmo, sekve de tio ili ricevis seriozan psikan traŭmaton.

Laŭ la plano, oni okazigos 7 kursojn por prelegi al kuracistoj kaj flegistinoj de 6 urboj plagitaj de la tertremo kaj ĉiun kurson partoprenos 80-100 personoj. Laŭ la plano oni trejnos ĉiujn kuracistojn kaj flegistinojn en tiuj regionoj plagitaj de la tertremo.

Fakuloj diris, ke rekonstruado de materiala domo estas facila, sed tiu de la spirita bezonas longan tempon kaj aktivan reguligon de suferantoj mem. Nun iuj kuracistoj kaj flegistinoj en regionoj plagitaj de la tertremo ne konas psikopatologion pro katastrofo, nek havas sperton en grandskala kuracado de tiaj suferantoj, tiel, la plano "ambasadoro kun verda silko-rubando" estas necesa. Ĝis nun la katastrofo jam pasis pli ol monato kaj klare vidiĝas simptomoj de psika traŭmato de iuj suferantoj kaj ilia malsano devas esti diagnozita kaj kuracata kiel eble plej rapide.