"Tio estas juglandarbo. Post kelkaj jaroj ĝi donos
fruktojn," diris maljunulino Wang Shuzhen al sia nepino.
Wang Shuzhen loĝas en plansetlejo de Pekino kaj ĉiutage
kune kun sia nepino vizitas la parketon ĉe la loĝejo. Post rekonstruado
kaj verdigo en la pasintaj 2 jaroj, ŝia loĝloko malorda kaj malpura
antaŭe jam fariĝis parketo kun multaj arboj.
La
antaŭa loĝloko de Wang Shuzhen estis konstruita en la 50-aj jaroj
de la pasinta jarcento. Ĝi, kun areo de pli ol 9 mil kvadrataj metroj,
estis laborista loĝloko plena de unuetaĝaj domoj. Tie vivis 175
laboristaj familioj. Pro manko de rekonstruado, la domoj fariĝis
malnovaj kaj kadukaj, kaj ankaŭ la bazaj instalaĵoj malnoviĝis.
Wang Shuzhen diris: "Antaŭe, la lineoj instalitaj de la loĝantoj
estis tiel densaj kiel araneaĵo. Tiam estis malfacile marŝi ĉi tie."
Post riparado kaj rekonstruado en 2003 la medio ankoraŭ ne pliboniĝis
fundamente, ĉar la loĝloko estis malalta ol la vojo, tial en pluvaj
tagoj la loko facile pleniĝis de akvo.
Septembre de 2005 oni faris rekonstruon en la loko,
kie loĝis Wang Shuzhen, sekve de tio la loĝantoj transloĝiĝis en
etaĝdomojn. Post malkonstruo de tiuj unuetaĝaj domoj, la registaro
investis 1.5 milionojn da juanoj (ĉ. 10 juanoj = 1 eŭro) por konstrui
la parketon kun areo de 2.5 mil kvadrataj metroj kaj parkadejon
kun areo de 5.5 mil kvadrataj metroj. Do la loko kun verdaj herbejoj
kaj zigzagaj vojetoj estas ideala por homoj ripozi kaj fari fizikan
ekzercadon.
En la jaro 2005 Pekino rekonstruis 69 tiajn vilaĝojn,
en 2006 loĝantoj de 55 similaj vilaĝoj transloĝiĝis kaj ekis rekonstruado
de 25 vilaĝoj en la urbo Pekino. En 2007 oni sinsekve finis rekonstruadon
de 22 tiaj vilaĝoj kaj ĉe la fino de la kuranta jaro, oni plenumos
171 programojn de rekonstruado de tiaj vilaĝoj.
|