Laŭ statistiko de la Forstokultura Administracio de
la Aŭtonoma Regiono de Interna Mongolio, en la pasintaj 30 jaroj
post praktiko de la politiko pri reformado kaj pordomalfermo la
Interna Mongolio konstruis entute 18 milionojn da hektaroj da ŝirmaj
forstoj, kaj unuapaŝe bridis sabloventan atakon al 16 milionoj da
hektaroj da tero kaj erozion al 10 milionoj da hektaroj da tero.
Antaŭe la Aŭtonoma Regiono de Interna Mongolio grandparte
estis kovrita de arbaro kaj stepo. Pro ŝanĝiĝo de klimato kaj detruo
de homoj la tiea ekologio multe malboniĝis kaj la tero estis severe
eroziita kaj dezertiĝis. La areo de Gobio pligrandiĝis de pli ol
7.3 milionoj da hektaroj en 1960 al pli ol 10 milionoj da hektaroj
en 1977.
Novembre de 1978 la Ŝtata Konsilantaro de Ĉinio ellaboris
planon pri konstruado de kampŝirmaj forstoj en la “tri nordoj”*.
Laŭ la aranĝo de la ŝtato la Interna Mongolio komencis grandskalan
forstumadon.
Gao
Xilin, estro de la Forstokultura Administracio de la Aŭtonoma Regiono
de Interna Mongolio diris, ke post penado de 30 jaroj la rapideco,
kvalito kaj efiko de la tiea forstuma konstruado evidente altiĝis,
kaj la ekologia stato iom post iom pliboniĝis. Bridiĝis sablo-disvastiĝo
en Badanjilin, Tenggeli kaj aliaj tri grandaj dezertoj kaj evidente
altiĝis kovriteco de arboj kaj herboj en Ke’erqin, Maowusu kaj aliaj
tri grandaj dezertoj. Ĝis la fino de 2007 la Interna Mongolio plenumis
konstruadon de ŝirmaj forstoj en “tri nordoj” sur 18 milionoj da
hektaroj, kaj kovriteco de forstoj leviĝis de 4.7% en 1978 al 11.98%.
Nun la regiona ŝirm-forsta sistemo kun arboj, arbustoj,
herboj kaj pajle kadritaj lokoj jam fundamente formiĝis en pluraj
lokoj de la Interna Mongolio. Estas efike protektataj 4 milionoj
da hektaroj da kampoj kaj pli ol 5 milionoj da hektaroj da paŝtejoj.
Oni unuapaŝe haltigis la tendencon de malboniĝo de la ekologio.
---------------------------------------------------------
* Ŝirmaj forstoj en “tri nordoj”: En 1979 Ĉinio decidis
konstrui ŝirmajn forstojn en regionoj severe eroziitaj kaj atakitaj
de ventego kaj sablo en Nordokcidento, Nordo kaj Nordoriento de
Ĉinio. La ŝirmaj forstoj ampleksanta 13 provincojn kaj 551 guberniojn
havas longecon de 4480 kilometroj oriente-okcidenten, larĝecon de
560-1460 kilometroj sude-norden, kaj areon de 4069 mil kvadrataj
kilometroj.
|