En la pasintaj 30 jaroj de ekpraktiko de la politiko de reformado kaj pordo-malfermo rimarkinde ŝanĝiĝis la vivmanieroj de ĉinoj kaj altiĝis ilia vivnivelo. Post la taga laboro oni kutimas spekti televidajn programojn. Tamen antaǔ 30 jarojn tio estis nur revo. Se oni havis hejme 9-colan nigra-blankan televidilon, najbaroj unu post alia iris tien por rigardi programerojn, elsenditajn de TV-stacio.

Kun ekonomia disvolviĝo multe pliboniĝis la popola vivo. Meze de la 80-aj jaroj de la 20-a jarcento nigra-blankaj televidiloj eniris hejmen de ordinaraj ĉinoj kaj en la 90-aj jaroj oni ekĝuis koloran televidon. En la 21-a jarcento televidilo fariĝis nemankigebla en la vivo de popolanoj. Nun kolora televidilo troviĝas preskaŭ en ĉiuj hejmoj, kaj iuj familioj havas du kaj eĉ tri tiajn aparatojn.

Evoluo de televidiloj, de nulo al multo, de la eta al la granda, de la nigra-blanka al la kolora, de la elektrontuba al la likv-kristala kaj plasma, atestas ŝanĝiĝojn de la vivo de ordinaraj ĉinoj kaj disvolviĝon de Ĉinio.

La unua produkto-linio de koloraj televidiloj (en 1981)	Aĉetado de altdifina televidilo	La tuta familio kune ĝuas televidajn programerojn (en 2008)
Televidilo (en la 80-aj jaroj de la 20-a jarcento)	Televidilo (en la 90-aj jaroj de la 20-a jarcento)	Nigra-blanka televidilo, raraĵo dum la 80-aj jaroj de la 20-a jarcento