Li
Gao, esploristo pri fiziko, profesoro de la Scienca Fakultato de
la Ŝtata Aŭtonoma Universitato de Meksikio, estas meksika specialisto
pri atom-molekula fiziko. Li plurfoje vizitis Ĉinion kaj propraokule
vidis la grandan progreson de Ĉinio en scienca kaj eduka kampoj
kaj precipe en altteknologioj en la 30 jaroj post praktiko de la
politiko pri reformado kaj pordomalfermo.
“De la pasintaj 30 jaroj Ĉinio kontinue marŝas al la
celo prosperigi la landon per sciencoj kaj edukado,” diris Li Gao.
Li unuafoje venis al Ĉinio en 1973, nelonge post stariĝo de la diplomatiaj
rilatoj inter Meksikio kaj Ĉinio. Li faris raportojn pri fizika
disvolviĝo de Meksikio en la Ĉina Akademio de Sciencoj, Pekina Universitato,
Qinghua-Universitato, Fudan- Universitato kaj Sun-Jatsen-Universitato.
En la fino de 1978 Ĉinio ekpraktikis la politikon pri
reformado kaj pordomalfermo. Tio vekis ĉe Li Gao deziron denove
viziti Ĉinion. En 1981 li refoje venis al Ĉinio kaj donis lecionojn
pri moderna fiziko al ĉinaj studentoj en la Ĉina Scienc-Teknika
Universitato. “Tiam Ĉinio malfermis sian pordon kaj ĉinoj komencis
iri eksterlanden,” diris Li Gao. Tiam lia anglalingvo-parolanta
edzino estis pli bonvena ol li en la universitato, ĉar instruistoj,
kiuj planas veturi eksterlanden por labori kaj lerni, multe petis
ŝian helpon en lernado de la angla lingvo.
En 1986, kiam Li Gao kaj lia edzino triafoje venis
al Ĉinio, granda parto de la instruistoj, kiuj iris studi eksterlande,
jam finis la studadon kaj revenis al la universitato. “Eksterlande
ili lernis kaj kontaktis plej avangardajn fizikajn rezultojn, tio
estas tre grava por ke Ĉinio povu sin vicigi en fronto de la internacia
scienco,” diris Li Gao taksante pozitivan influon de reformado kaj
pordomalfermo sur scienca kaj eduka kampoj.
En 1995 Li Gao kvarafoje vizitis Ĉinion. Antaŭ tio
li informiĝis el artikolo de ĉina erudiciulo publikigita en prestiĝa
internacia akademia gazeto, ke Ĉinio akiris grandan progreson en
esplorado de partikl-fiziko. Tiuj esploroj liveris pli vastan platformon
por lia scienca interŝanĝo en Ĉinio. Dum la restado en Ĉinio li
vizitis altenergi-fizikajn laboratoriojn de Qinghua-Universitato,
Jilin-a Universitato kaj Shandong-a Universitato, kaj faris interŝanĝon
kun tieaj instruistoj kaj studentoj. Per tio li vidis ne nur la
progreson de Ĉinio en scienc-teknika kampo, sed ankaŭ vastan vidkampon
de junaj ĉinaj scienc-esploristoj.
En 2008 Li Gao trovis en sia kvinafoja vizito al Ĉinio
grandegan ŝanĝon de la lando. Kiel sciencisto li tre ĝojis pro pliboniĝo
de scienc-esplora kondiĉo de Ĉinio. “Mi vidis en la Ĉina Scienc-Teknika
Universitato, ke averaĝe du esplorist-studentoj havas grandan ĉambron,
kie ili povas surrete legi plej freŝajn informojn en diversaj internaciaj
sciencaj ĵurnaloj kaj konsulti materialojn bezonatajn.” Li Gao trovis
ankaŭ, ke Ĉinio havas grandan progreson en utiligo de scienc-esploraj
fruktoj. “Ekstere de la domo de laboratorio en Pudong sub la Ĉina
Scienc-Teknika Universitato estas ankaŭ ŝildoj de ĉinaj kaj alilandaj
kompanioj. Per kunlaboro kun kompanioj ĉinoj turnis sciojn en efektivajn
riĉaĵojn. Nun mi komprenas, kial pli kaj pli multaj ĉinaj scienc-esploristoj
decidis reveni al sia patrolando post lernado en aliaj landoj, ĉar
en Ĉinio estas multaj ŝancoj,” diris la maljuna profesoro.
Parolante pri la sukcesa eksterkajuta irado de ĉina
kosmonaŭto, la maljunulo emocie diris: “Mi bone memoras la scenon
pri sukcesa lanĉo de la satelito Dongfanghong 1 en 1970. Mi kredas,
ke en la baldaŭa estonteco la tuta mondo vidos realiĝon de la sonĝo
de Ĉinio pri surluniĝo."
(el Renmin Ribao)
-----------------------------------------------------
Li Gao:
Kun ĉina deveno Li Gao estas sciencisto de Meksikio.
En 1959, post diplomitiĝo el la Fizika Fakultato de la Puebla Universitato
li laboris en la komitato de la nuklea energio en Meksikio. En 1960
li venis al la Indiana Universitato de Usono por sin perfektigi
kaj fariĝis doktoro de teoria nuklea fiziko en 1964 en la aĝo de
25 jaroj. Poste li revenis al Meksikio kaj instruis en la Puebla
Universitato. Post 2 jaroj li iris en la Fizikan Instituton de la
Ŝtata Aŭtonoma Universitato de Meksikio kaj laboras tie ĝis nun.
|