Wen Jiabao renkontiĝis kun Jacques Rogge

Ĉina ĉefministro Wen Jiabao diris dum renkontiĝo kun Jacques Rogge, prezidanto de la Internacia Olimpika Komitato (IOK), en Pekino, ke IOK kaj Rogge faris gravan kontribuon al la Olimpikaj Ludoj, al interkompreno kaj amikeco inter landoj kaj popoloj. Li dankis ilin pro ilia subteno al la Pekinaj Olimpikoj.

Wen diris, ke gastigi la Olimpikojn estas soleno tutmonda. La Olimpika torĉo, simbolo de paco, amikeco, progreso kaj lumo, estas transportata tutmonde. Oni kredas, ke la Olimpika torĉo apartenanta al la tuta homaro ne estingiĝos.

La ĉinaj registaro kaj popolo strebas, laŭ la Olimpika spirito, por bone prepari la ludojn kaj intensigi internacian kunlaboron kun la celo fari la sportan solenon aparta kaj altnivela kaj plenumi sian promeson al la tuta mondo.

Rogge diris, ke IOK alte taksas la abundan kaj efikan preparadon de Ĉinio por la Olimpikoj. Estas prava rajtigi Ĉinion gastigi la Olimpikojn. IOK subtenos Ĉinion kiel antaŭe por bone gastigi la Olimpikojn. Rogge esperas, ke la stafetado de la Olimpika torĉo glate iros, kaj kredas ke la ĉina registaro havas kapablon por konvene trakti la problemojn.