Unua paĝo >> Socio >> Fokusaj temoj


Bridi aidoson kaj plenumi promeson (II)

La registaro intensigas rimedojn por preventado

Sinjoro S, 52-jara, aidosulo de 10 jaroj, nun estas kuracata en sia hejmloko en Henan-provinco en meza Ĉinio.

Pri sia malsano, li diris malĝoje: "Por vivteni miajn gepatrojn, la du infanojn kaj ankaŭ mian plej junan fraton studantan en universitato, mi iris al urbo por labori. Tio estis tre laciga sed mi enspezis malmulte. Mia edzino domaĝis min kaj ŝtele vendis sangon en kontraŭleĝa sango-kolektejo en 1997. Malfeliĉe ŝi estis infektita de aidoso, kaj infektis min."

70% de la infektitoj de aidoso en Ĉinio vivas en la kamparo. Mankas al la kamparanoj kaj vaglaboruloj kanaloj por akiri preventan scion de aidoso. Krome, la maniero kaj enhavo de konigado pri aidoso estis ne kontentigaj. En la lastaj jaroj, la situacio estis ŝanĝita. En la 29-a de oktobro, 2007, oni organizis grandan aktivadon "Ruĝa Rubando" en Pekino por konigi scion pri aidoso al kamparano-laboristoj kaj vendistoj de legomo.

La Ministerio de Agrikulturo de Ĉinio jam prenis konigon de scioj de preventado kaj kuracado de aidoso kiel gravan parton de trejnado de kamparano-laboristoj. Kaj oni uzis manieron facile akceptiteblan de la kamparanoj por konstrui efikan sistemon de amasa preventado kaj superrego de aidoso.

En la pasinta jaro oni faris diskonigadon de scio pri prevento de aidoso al la kamparano-konstruistoj de sportejoj por la Pekinaj Olimpikoj. La diskonigado estis kune plenumita de la Fondaĵo por Prevento de Aidoso kaj Veneraj Malsanoj de Ĉinio, Laborkomitato por Prevento kaj Kuraco de Aidoso de Pekino kaj la Monda Banko. Nun la aktivado "Ruĝa Rubando" estis disvastigata de la konstruejoj por la Pekinaj Olimpikoj al la kamparanoj.