Usono devas ĉesi subteni kaj stimuli secesian agadon de Dalai-kliko

En regula gazetara konferenco okazinta en la 22-a de aprilo en Pekino, proparolantino Jiang Yu de la Ministerio de Eksteraj Aferoj de Ĉinio diris, ke Ĉinio postulas Usonon, ke ĝi respektu la fakton kaj ĉesigu siajn subtenon kaj stimulon al Dalai-kliko en ĝia agado celanta dispartigi Ĉinion, por eviti damaĝon al la rilatoj inter Ĉinio kaj Usono kaj al la propra figuro de Usono.

Iu raportisto demandis, ke laŭ informo, la 21-an de aprilo, usona ŝtata vic-sekretario J. Dobriansky intervidiĝis kun Dalai-lamao kaj aperigis sian artikolon en la ĵurnalo Vaŝingtona Poŝto dirante, ke "tibeta evento" spegulas "subpremon" de la ĉina registaro al religio kaj kulturo de Tibeto, ke interparolo kun Dalai-lamao estas la plej bona kanalo por solvi la maltrankvilon de tibetanoj. Kio estas la opinio de Ĉinio pri tio?

Jiang Yu diris, ke spite la firman oponon de la ĉina registaro, oficisto de usona ŝtata departemento insiste intervidiĝis kun Dalai-lamao, kaj klaĉis pri tibetaj aferoj, kiuj apartenas al internaj aferoj de Ĉinio. Tio serioze malobservis la bazan principon de internaciaj rilatoj, intervenis en internajn aferojn de Ĉinio, kaj estas ekstreme erara kaj senrespondeca konduto. Ĉinio elmetis al Usono severan traktadon pri tio.

Jiang Yu diris, ke la furioza perforta evento okazinta en Lhasa la 14-an de marto estis zorgeme kovita de Dalai-kliko en konspiro kun en- kaj eksterlandaj secesiaj fortoj, kiuj intencas secesii Tibeton. Ia ajn ekskuzo ne povas ŝirmi la fakton. La menciita oficisto de Usono ne kondamnis la perfortan aktivadon, sed senkulpigis la krimulojn, kaj direktis sian lancon al la ĉina registaro kaj ĉina popolo, do kion li intencas?