Ligo de torĉa stafetado kaj posttertrema savado

La 13-an de majo respondeculo de la Organiza Komitato de Pekinaj Olimpikoj diris, ke oni devas ligi torĉan stafetadon kun posttertrema savado.

Post la tertremo en Wenchuan, Sichuan-provinco, la ĉina registaro tre zorgas pri la afero, kaj la savado iras en ordo. Post kiam la torĉo eniris en Ĉinion, la vasta popolamaso aktive partoprenas la torĉan stafetadon.

Konsiderante la tertremon, la Organiza Komitato de la Pekinaj Olimpikoj kaj la lokaj registaroj de Jiangxi kaj aliaj provincoj, kie transportiĝos la torĉo, decidis, ke dum la torĉa stafetado en tiuj lokoj oni simpligos la proceson laŭ principo de sekureco kaj ŝparemo.

Li diris, ke antaŭ la stafetado la partoprenantoj staros unu minuton en silento por memori la viktimojn de la tertremo. Ĉe la komenca kaj fina punktoj kaj survoje metiĝos mondonacaj sakoj kaj kontraŭtertremaj sloganoj, por instigi la ĉinojn al la batalo kontraŭ la tertremo.