36563 homoj savitaj en la sisma loko de Sichuan

Laŭ informo de la novaĵ-centro de la kontraŭsisma savado en Sichuan, ĝis la 16-a horo de la 18-a de majo oni jam savis 36563 homojn el konstruaĵoj disfalintaj.

Trupoj de la Chengdu-a Milita Zono transportis 595 vunditojn el la urbeto Yingxiu per helikopteroj, kaj nun neniu vundito restas en Yingxiu, centro de la tertremo.

Laŭ nekompleta statistiko, ĝis la 16-a horo de la 18-a de majo mortis 31.9 mil homoj kaj vundiĝis ĉirkaŭ 210 mil pro la tertremo en Sichuan.