ĈIEG sendis konsolan leteron al la plagitaj regionoj

La 12-an de majo okazis diversgradaj tertremoj en Sichuan, Chongqing, Gansu, Hubei kaj Shaanxi, el kiuj la plej serioze plagita regiono estas Sichuan. La 13-an de majo la Ĉina Internacia Eldona Grupo (ĈIEG), de kiu dependas la redakcio de El Popola Ĉinio, sendis konsolan leteron al koncernaj departementoj de la plagitaj regionoj.

Jen la plena teksto de la letero:

"La 12-an de majo okazis fortega tertremo en Wenchuan kaj aliaj lokoj de Sichuan-provinco en sudokcidenta Ĉinio, tio alportis grandan perdon al via provinco. Bonvolu akcepti nian sinceran simpation, kaj ni esprimas funebran saluton al la viktimoj.

En la vespero de la 12-a de majo ĈIEG lanĉis urĝan sistemon por raporti pri la subita okazaĵo. Ĉiuj gazetoj sub ĈIEG kaj la Ĉina Interreta Informa Centro tuj rapotis en 10 fremdaj lingvoj la rimedojn alprenitajn de la ĉinaj gvidantoj, batalon de suferantoj de la plagitaj regionoj kaj helpon de la tutlanda popolo. La unua raporta grupo de ĈIEG jam iris al plagita regiono por intervjui. Samtempe, ĈIEG senprokraste kolektis monon por helpi suferantojn de la tertremo. Ni klopodas por sendi helpmaterialojn kaj monon al koncerna departemento kiel eble plej baldaŭ. Bonvolu transdoni saluton de ĈIEG al la personaro de via departemento. Ni kune kun vi laboras unuanime por rekonstrui nian komunan belan hejmlokon. "

La dua raporta grupo de ĈIEG jam iris al plagita regiono en la 16-a de majo.