Savado de la Taiwan-a sav-taĉmento

Ĉirkaŭ la 19-a horo de la 16-a de majo, la Taiwan-a sav-taĉmento konsistanta el 22 membroj atingis Chengdu, ĉefurbon de Sichuan-provinco. La estro de la sav-taĉmento estas Chin-Der Ou, ĉefdirektoro de la Kompanio de la Taiwan-a Ekspresa Fervojo kaj konsilano de la Taiwan-a Ruĝa Kruco. Chin-Der Ou havas riĉan sperton pri savado: li partoprenis kaj gvidis la savadon kaj rekonstruadon de urbo Taibei post la tertremo en la 21-a de septembro 1999, kaj traktis la sekvojn de la tajfuna katastrofo en 2001.

Ĉi-foje la Taiwan-a sav-taĉmento alportis multajn fakajn instalaĵojn kaj savhelpajn hundojn. Matene de la 17-a de majo, helpate de la loka registaro kaj la Ruĝa Kruco de Ĉinio, Chin-Der Ou gvidis la sav-taĉmentanojn fari unuapaŝan serĉon en urbo Mianzhu, sed ili trovis nenian vivsignon. Post tio la sav-taĉmento tuj iris al alia loko por savado.

Chin-Der Ou diris: "Kvankam la perdo de tiu ĉi tertremo estas grandega, tamen la ĉina centra registaro rapide kaj efike organizis savadon post la katastrofo, tio estas malfacila. Vidinte suferantajn samlandanojn, ni ege deziras helpi ilin. Nia sav-taĉmento celas savi postvivantojn. 6 tagoj jam forpasis post la tertremo. En la sekvantaj 2-3 tagoj, ni kiel plej eble zorge serĉos postvivantojn. La 22 membroj de la sav-taĉmento iam akceptis fakan trejnadon kaj ĉeestis kelkajn internaciajn savadojn. Ili estas elstaraj savantoj de Taiwan kun riĉa sperto."