Unua paĝo >> Socio >> Fokusaj temoj


Helpo de Taiwan al plagitaj lokoj

La 13-an Ma Ying-jeo donacis 200 mil novajn taiwan-ajn dolarojn al la Ruĝa Kruco de Taiwan. Li alvokas al la taiwan-anoj donaci monon, medikamentojn, tendojn, lanajn litkovrilojn kaj aliajn por esprimi amon al la plagitoj.

La novaĵo pri tertremo en Sichuan skuis la socion de Taiwan. En du tagoj taiwan-aj entreprenoj en la ĉeftero de Ĉinio donacis 300 milionojn da juanoj; taiwan-aj neregistaraj societoj rapide transportis multe da materialoj al la plagitaj lokoj, kaj taiwan-anoj telefone demandis pri kanalo por mondonaco. Fronte al la katastrofo oni sentas amon de la transa bordo.

Varmlinioj por donacado

"Ni ricevis helpon de la ĉeftero, kaj ĉi-foje ni devas rekompenci!" diris loĝanto en la gubernio Taizhong.

Post la tertremo en Taiwan en 1999, loĝantoj de la ĉeftero multe helpis taiwan-anojn. Tio kortuŝis la suferantojn en Taiwan. Ĉi-foje taiwan-anoj sentas same kiel la plagitaj popolanoj en Sichuan. Matene de la 13-a volontuloj de la Ruĝa Kruco de Taiwan ricevis multajn telefonvokojn pri donaco de mono kaj materialoj, kaj volontulado de medicinistoj al plagitaj lokoj.

La gubernioj Taizhong kaj Nantou en Taiwan estis serioze detruitaj de la tertremo en 1999. Helpo de multaj lokoj venis al Taiwan, i. a. tiu de la neregistaraj organizoj de la ĉeftero. Ĉi-foje Huang Zhongsheng, estro de la gubernio Taizhong, la unua mondonacis kaj instigis al unuarangajn administrantojn donaci sian unutagan salajron, kaj starigis mondonacan konton. Li Chaoqing, estro de la gubernio Nantou, mondonacis 150 mil novajn taiwan-ajn dolarojn -- unumonatan salajron, kaj esperis, ke laborantoj en la gubernia registaro kaj ĝiaj subaj oficejoj donacos unutagan salajron.

Registaraj kaj neregistaraj institucioj estas pretaj

Liu Zhaoxuan, venonta "prezidanto de la Administracio de Taiwan", tre zorgis pri la afero. "Kiam okazis tertremo en Taiwan en 1999, mi rolis kiel ĉefkomandanto de la savado kaj restis tri monatojn en la plagita loko. Mi havas riĉan sperton pri savado. Se la ĉeftero petas, mi volontas helpi."

Zhang Xianyao, membro de la "leĝfara administracio" de Kuomintango, diris, ke sava laboro de religiaj organizoj en Taiwan amplekse disvolviĝis. Ankaŭ aliaj neregistaraj organizoj volis doni helpon, tamen ili ne sciis kiel fari. La administracio decidis transporti iliajn materialojn kaj sendi spertulojn al la plagitaj lokoj kiel eble plej rapide. "Kaj registaraj kaj neregistaraj institucioj estas pretaj fari savadon," diris Zhang Xianyao.

Batali ŝultro ĉe ŝultro

La tragedio proksimigis la popolon ambaŭflanke de la markolo, kiu devenis de la samaj prapatroj. Fakuloj en Taiwan proponis, ke laboro kontraŭ tertremo estas longa kaj malfacila por la popolo ambaŭflanke de la markolo. La ĉeftero havas riĉan sperton kaj bonajn ekipaĵojn, dum Taiwan posedas altan teknologion de tertrema observado, rapida raporto, observado per satelit-gvida sistemo kaj alarmo. Estas necese kaj eble, ke la du flankoj intensigos kunlaboron por feliĉigi la popolon.