30 jaroj jam forpasis de post kiam Ĉinio ekpraktikis la politikon de reformado kaj pordomalfermo.

En la novjara saluto de 2008, ĉina prezidanto Hu Jintao diris, ke Ĉinio solene memorigos la 30-an datrevenon de sia praktikado de reformado kaj pordomalfermo. Evidente, 2008 estas "tre grava jaro", ne nur pro la Olimpikoj gastigota de Ĉinio por la unua fojo, sed ankaŭ pro la resumo pri la 30-jaraj reformado kaj pordomalfermo.

En la pasintaj 30 jaroj, okazis en Ĉinio grandaj ŝanĝiĝoj.

En 1978, la pokapa totala enlanda produktovaloro de Ĉinio estis nur 379 juanoj (ĉ. 136 usonaj dolaroj); la totala valoro de komercado kun aliaj landoj — 20.64 miliardoj da usonaj dolaroj; nur 10.6% de la popolo loĝis en urboj, kaj ĉirkaŭ 300 milionoj da homoj vivis sub la baza nivelo de malriĉeco, tiam Ĉinio estis tipa kaj subevoluinta agrikultura lando. Sed en la fino de 2006, la totala ekonomia kvanto de Ĉinio okupis la 4-an lokon en la mondo, kaj la pokapa totala enlanda produktovaloro jam superis 2000 usonajn dolarojn, kaj la rezervo el devizoj atingis 1.2 biliardojn da usonaj dolaroj.

Merkata ekonomio, distribuo de resursoj, demokratia politiko, partoprenado de popolanoj, sciiga rajto, kontrola rajto, leĝo de reala rajto ktp, jen iamaj fokusaj vortoj kun iliaj populariĝo en amaskomunikiloj kaj cirkulado en la popola vivo dum la pasintaj 20 jaroj, la ĉina ekonomio bone funkcias. Tio montris, ke grandaj ŝanĝiĝoj okazis en Ĉinio.

Rekonstrui la landon de la tradiciaj agrikultura ekonomio, socia kaj politika formoj al tiu de la modernaj industria kaj komerca ekonomio, socia kaj politika formoj estas en iu senco ĉeftemo de la moderna historio de Ĉinio. Por Ĉinio, la jaro 1978 havas specialan signifon, ĉar de tiam, la reformado kaj pordomalfermo multe antaŭenpuŝis la procedon de modernigo de Ĉinio, tio donis grandan inspiron al ĉinoj — nur kiam Ĉinio strebas al disvolviĝo, juĝante sin laŭ modernaj civilizacio, sistemo kaj valoro, ĝi havas perspektivon kaj esploron. La moderna ekonomio estas la industria kaj komerca ekonomio; la moderna politiko — la demokratia politiko kaj la moderna socio — la civitana socio.

Dank' al la sperto de la 30-jara reformado kaj pordomalfermo 1.3 miliardoj da ĉinoj atingis komunan komprenon pri la disvolva oriento de Ĉinio en la estonteco. Kvankam la fruktoj de reformado kaj pordomalfermo estas distingiĝaj, tamen distanco al moderna civilizacio restas granda. Kompare kun la komenco de la ekonomia reformado okazinta antaŭ 30 jaroj, la tasko de ekonomia, socia kaj politika reformadoj estas pli komplika kaj pli malfacila.

Laŭ spertoj de kelkaj evoluintaj landoj, la moderneco komencis ĝenerale en ekonomia kampo, por ke la tradicia agrikultura ekonomio transiĝu al la moderna industria kaj komerca ekonomio en materia civilizacio. Poste, konstruado de la socio kaj popola vivo fariĝis gravaj taskoj, la ŝtato devas uzi grandegan forton por konstrui bazan garantian sistemon al siaj civitanoj en urbizita spaco pri kuracado, edukado, loĝado, enoficigo kaj vivtenado. Sur tiu ĉi bazo bonorde disvastigas individuan liberecon de la civitanoj, multigas ilian politikan intervenon kaj establas demokratian politikon por akceli renovigon de la politika sistemo.

Malfaciloj provas kuraĝecon kaj saĝecon de la ĉinoj pri reformado. En la pasintaj jaroj, altiĝis la prezo de loĝejoj kaj la konsuma preza indico, oftis akcidentoj en minejoj, multiĝis popolaj rajto-defendaj aferoj kaj rekonsciiĝis la popola esprima konscio, tio alportas multajn novajn problemojn kaj defiojn al la socia kaj politika konstruado. La raporto de la 17-a Tutlanda Kongreso de la Komunista Partio de Ĉinio diras: "Oni devas rapidigi la socian konstruadon kun plibonigado de la popola vivo kiel la ĉefa tasko, kaj firme kaj sendevie disvolvi la socialisman demokratian politikon." Nur tiele, la ĉina modernigo povas trovi pli bonan apogon, kaj la reprosperiĝo de la ĉina nacio povas sukcesi finfine.