Aktualajhoj Unua paĝo >> Socio >> Fokusaj temoj


Telegramo de Dalai-lamao antaŭ 57 jaroj

Publikiĝis telegramo de Dalai-lamao antaŭ 57 jaroj. En la 24-a de oktobro, 1951, Dalai-lamao skribis en sia telegramo al la centra registaro, ke li subtenas la centran registaron kaj esperas forpeli imperiistajn fortojn el Tibeto por defendi la teritorion kaj suverenecon de la patrolando.

Yang Dongquan, estro de la Ŝtata Arkiva Administracio kaj tiu de la Centra Arkivo, konigis arkivojn pri imperiestra edikto al Tibeto kaj sigelilojn al gvidantoj de la tibeta budhismo en Yuan-dinastio (1206-1368). Tio montras, ke ekde Yuan-dinastio Tibeto ja estis administrata de la centra registaro de Ĉinio kaj de tiam tiu politika rilato neniam rompiĝis.

Kiel ĉiuj scias, inter la branĉoj de la tibeta budhismo Dalai- kaj Banĉen-lamaoj de Gelu-sekto estis lote deciditaj per la Ora Urno kaj fine sankciita de la centra registaro. Sed ne ĉiu scias, ke la mistera religia sistemo estis sankciita kaj aprobita de imperiestro Qianlong de Qing-dinastio antaŭ pli ol 200 jaroj.

Yang diris, ke la religia politiko estis praktikita de Qing-dinastio ĝis nun. En la 5-a de februaro, 1940, la tiama ĉina registaro publikigis la ordonon, ke infano Lhamo Toinzhub el Qinghai, "saĝa kaj unika, estos metempsikozito de la 13-a Dalai-lamao, kaj tio estos sankciita aparte." La ordono evitigis lotadon al Lhamo Toinzhub, kaj li fariĝis la 14-a Dalai-lamao.

Post fondiĝo de la Ĉina Popola Respubliko en 1949, Dalai-lamao sendis reprezentantojn por subskribi en Pekino kun la centra popola registaro interkonsenton pri paca liberigo de Tibeto, kaj post tio Dalai-lamao sendis telegramon al Mao Zedong, prezidanto de la centra popola registaro. La telegramo nun estas konservata en la fako de 1951 de la Centra Arkivo. En la telegramo Dalai-lamao diris: "La tibeta loka registaro, tibetaj monaĥoj kaj laikoj unuanime subtenas la interkonsenton, kaj sub gvidado de prezidanto Mao kaj la centra registaro, helpas al la Popola Liberiga Armeo garnizoni en Tibeto, forpeli imperialistajn fortojn el Tibeto por defendi la teritorion kaj suverenecon de la patrolando."

Pluraj grandaj arkivoj de Ĉinio nun konservas abundon da historiaj materialoj pri Tibeto kaj Dalai-lamao de pluraj jarcentoj. Ili fidele notas la historion neŝanĝeblan.