En la lastaj 30 jaroj Ĉinio plenumis la historian trapason de la "fermiteco" al la "malfermiteco". Ŝanĝoj de identeca atestilo de la civitanoj reflektas progreson de la ĉina socio kaj civitanaj rajtoj.

Kiel vi identigas vin mem dum vojaĝo? Por nunaj ĉinoj la unua reago estas montri la identeckarton. Tamen antaǔ la 80-aj jaroj de la pasinta jarcento ĉinoj kunportis kun si dum vojaĝo la rekomendan leteron skribitan de koncerna instanco aǔ organizo por sin identigi. Kvankam ĝi estis simpla papero, tamen sen tiu ĉi letero oni tute ne povis vojaĝi nek kontaktiĝi kun koncernaj institucioj.

Sekve de profundiĝo de reformado kaj pordo-malfermo ĉinoj ekhavis deziron ofte vojaĝi al aliaj lokoj por laboro aŭ turismo, kaj pro tio ŝanceliĝis la administra metodo enfermita. En 1985 Ĉinio komencis praktiki la novan sistemon, ke ĉiu civitano havu sian propran identeckarton, tio oportunas kaj al individuo kaj al administrado. En Ĉinio la registrita loĝanteco ankoraŭ gravas por administrado de la registritaj loĝantoj, tamen la malnova administra sistemo ŝanĝiĝis. Identeckarto, atestilo por portempa loĝado kaj loĝkarto estas vaste uzataj por homoj loĝantaj ekster la hejmloko.

Dank’ al disvolviĝo de ekonomio ĉinoj ekhavis privitan aǔton kaj ekvojaĝis eksterlanden, tial aǔtostira licenco kaj pasporto eniris en la vivon de ordinaraj homoj, kaj ankaŭ ili povas identigi ĉinajn civitanojn de diversaj anguloj.

En la pasintaj 30 jaroj ĉinoj iris de kamparo al urboj kaj de naskiĝlando al fremdlando. Migrado de ĉinoj nun estas tute ordinara afero. Granda ŝanĝo evidentiĝas ankaŭ sur la papero identiganta civitanon.