La 4-an de marto Li Zhaoxing, proparolanto de la dua
sesio de la 11-a Tutlanda Popola Kongreso (TPK), diris en la gazetara
konferenco, ke la longdaǔra kaj rapida disvolviĝo de la ĉina ekonomio
kaj la harmonio kaj stabileco de la socio atestas, ke la reformado
de politika sistemo de Ĉinio konformas al la ĉina stato kaj estas
ĝenerale adekvata al la postuloj de la disvolviĝo de ekonomio kaj
socio.
Li diris, ke ĉina reformado en politika sistemo estas
memperfektigo kaj memdisvolvado de la socialismo kun ĉinaj trajtoj.
Kompare kun la nova situacio de la disvolviĝo de ekonomio, la reformado
de politika sistemo de Ĉinio bezonas pluan perfektiĝon por akomodiĝi
al la kreskanta aktiveco de la popolo pri partopreno de politiko;
kaj Ĉinio daǔre disvastigos la popolan demokration, disvolvos la
bazan demokration kaj plifortigos la patriotan unuecfronton.
Li diris, ke de la pasintaj 30 jaroj post ekpraktiko
de reformado kaj pordomalfermo TPK persistas en scienca kaj demokratia
leĝfarado. Socialisma leĝsistemo kun ĉinaj trajtoj fundamente formiĝis,
kontrolado al administra rajto senĉese fortiĝas, la justica justeco
estas protektita, la juĝa kaj prokurora sistemoj konformaj al la
ĉina stato pli kaj pli perfektiĝas, kaj la konscio de civitanoj
pri leĝo kaj nivelo de leĝplenumado de la socio senĉese altiĝas.
Li diris ankaǔ, ke reprezentantoj de TPK venas el popolamasoj
kaj tenas rektajn kaj intimajn kontaktojn kun ili.
|