Ĉina ĉefministro Wen Jiabao diris en sia registara
laborraporto farita en la 5-a de marto dum la 2-a sesio de la 11-a
Tutlanda Popola Kongreso, ke oni devas doni plenan atenton al realigo
de la ĝenerala projekto pri rekonstruado post tertremo kaj por tio
la centra financo asignos 130 miliardojn da juanoj (ĉ. 7 juanoj
= 1 usona dolaro).
Wen Jiabao diris, ke la registaro rapidigos konstruadon
de loĝejoj de suferantoj de la tertremo en urboj kaj kamparoj por
ke antaŭ la fino de la kuranta jaro ĉiuj suferantoj de la tertremo
enloĝigu en novajn loĝejojn, rapidigos konstruadon de lernejoj en
la tertremitaj lokoj por ke 95% de la tieaj lernantoj lernu en fortikaj
domoj. Oni daŭre akcelos konstruadon de trafikaj, tele-komunikaj,
energiaj kaj akvoutiligaj instalaĵoj. Krome, oni devas bone labori
por preventado kontraŭ geologiaj katastrofoj, ekologia revigligo,
media bonordigo kaj reuzado de la agroj detruitaj en la tertremo.
Kun alpreno de rimedoj por reĝustigi kaj reprosperigi industriojn,
oni rapidigos rekonstruadon kaj disvolvon de industrioj en la tertremitaj
lokoj. Krome, oni devas ankaŭ bone trakti la helpadon de aliaj lokoj
kaj specialan helpon kaj bone administri la donacitajn kapitalon
kaj materialojn. Oni devas intensigi rekonstruadon en tertremitaj
lokoj kaj fari ĉion eblan por plenumi la taskojn en du jaroj (laŭ
la plano oni devas fini ilin en tri jaroj), por ke la suferantoj
de la tertremo vivu pli feliĉan vivon.
|